Ахцегь Магьарам (Аллагь вичелай рази хьурай)

Алим ва шаир Магьарам-эфенди (гъилин ктабра ам Магьарам-эфенди ал-Ахты яз гьатнава) XVIII-асирдин кьвед лагьай паюна яшамиш хьана. 
Ам Самур магьалдин Къутунхърин хуьре дидедиз хьана. Ада Ахцегьрин медресада кIелна, РагъэкъечIдай патан чIалар ва Исламдин илимар чирна, ахпа гьа ина диндин тарсарни гана. Гуьгъуьнлай Куьредин Магьмутан хуьрел куьч хьана, алимди ина медреса ахъайна. Магьарам-эфендиди вичин шиирар лезги ва араб чIаларал кхьена, абур уьмуьрдин жуьреба-жуьре месэлайриз, вичин кьилел атай дуьшуьшриз, диндиз веревирдериз бахшнава.
 Магьарам-эфендиди Лезгистанда кIелун-кхьин, илимар ва эдебият вилик финиз дериндай таъсирна. Адан гъилик кIелай гзаф сухтайрикай (Ярагъ Мегьамед, Ахцегь Мирзе Али, Рухун Али ва мсб. ) Кавказдин вилаятра тIварван авай алимар, шаирар ва регьберар хьана. Магьарам-эфендидикай сифте малуматар Алкьвадар Гьасан-эфендидин «Асари Дагъустан» ктабда ганва: «ЧIехи алимрин жергедик Ахцегь Магьарам-эфенди акатзава. . . Ада физикадин ва философиядин тарсар гана. . . «Алкьвадар Гьасан Ахцегь Магьарам-эфендидин птул жезва: Гьасан-эфендидин чIехи буба Ярагь Мегьамед Магьарам-эфендидин езне тир. Магьарам-эфендидин шиирар чапдай акъудун патал Гъ. Садыкъиди ва М. Ярагьмедова еке зегьметар чIугуна. Акимов Къ. Х. «Лезги зарияр
Лезгинский исламский просветительский портал