Нури-эфенди

Алим ва шаир Нури-эфенди 1846-йисуз Самур магьалдин Ялцугъ хуьре дидедиз хьана. Ада Ахцегьа Гьажи Абдурагьман-эфендидин медресада кIелна, мусурман диндин къанунар, араб, фарс ва туьрк чIалар чирна. Гзаф йисара Самур округдин дуванханада, Ахцегь ва Докъузпара магьалрин хуьрера, мискlинрин имам ва медресайрин муаллим яз, кIвалахна. Гарагърин хуьре вичин медреса ахъайна. Нури-эфендиди лезги ва РагъэкъечIдай патан чIаларал шиирар теснифна. 

Мана-метлебдин жигьетдай абур кьве чкадал пай жезва: яшайишдикай теснифнавай чIалар («Шагьид я зун», «Са гунагькардиз» ва мсб.) ва муьгьуьббатдикай теснифнавай чIалар («Пери зи», «Юаниди» ва мсб.). Гзаф шииррин эхирда авторди вичи тIвар «Нурали» яз кьазва. Зари 1934-йисуз кечмиш хьана.

Лезгинский исламский просветительский портал