Мамрач Къазанфарбег

Алим ва шаир Зулфикъаров Къазанфарбег 1843-йисуз Куьре округдин Мамрач хуьре дидедиз хьана. Ада Вини Ярагъдал Гьажи Исмаил-эфендидин медресада кIелна, илимрин дибар ва РагъэкъечIдай патан чIалар чирна.
Къазанфарбега лезги чIал ахтармишзавай урус алим П. К. Услараз, таржумачи яз, еке куьмекар гана. И карди адаз сад лагьай лезги азбука кхьидай мумкинвални гана: лезги букварь 1871-йисуз Темир-Хан-Шурада «Куьредин абжуз» тIвар алаз печатдай акъатна. Им Усларан алфавитдал акъатай сад лагьай лезги ктаб я. П. К. Услара Къазанфарбеган алакьунриз еке къимет гана. 
М. Къазанфарбег шаирни тир: «Етим Эминаз жаваб» шиирда ада вичин дустуниз «дели-диванадиз чирагъ куькIуьрайди» лугьузва, ам шаирдихъ галаз, «эй, азиз» лугьуз, рахазва. Мамрач Къазанфарбега лезги халкь савадлу хьун патал гзаф зегьметар чIугуна. Ам 1877-йисуз Туьркиядиз куьч хьана, гьана рагьметдиз фена.
 
Источник : Ас салам
Лезгинский исламский просветительский портал