Абу Бакр ас-Сиддикь часть 2

 

Абу Бакран кьетIен ерияр
Аллагь кIанивиляй, Адахъай кичIевиляй ва Аллагьдин Пайгъамбар (Аллагь рази хьуй) кIанивиляй ам гьамиша пашманвиле жедай. Ада йифер суждада аваз акъуддай, экв жедалди вилерилай навгъ авахьиз ада Кябедин экуьни хьиз нур гудай. Аллагь-Тааладин гьич са лукIразни адаз хьтин кьетIен ерияр ганач. Абу Бакраз (Аллагь рази хьуй) гьакъикъатда Шариат, Къуръандин деринвал чир хьана.

 

ВикIегьвал 
Абу Бакр (Аллагь рази хьуй) гзаф жуьрэтлу кас тир. Эгер Аллагьдин буйругъриз ва Адан Пайгъамбардиз (Аллагь рази хьуй) аксивалзавай кас акуна хьайитIа, ам аслан хьиз гьакъикъатдал акъваздай ва гьич садавайни ам кьуна акъвазариз жедачир. 
Са сеферда межлисдал алайбурувай имам Алиди хабар кьуна: «Инсанрикай виридалайни викIегь кас вуж я?» «Вун я, я Али»,- жаваб гана абуру. «Инсанрин арадай виридалайни жуьрэтлуди Абу Бакр Сиддикь я»,- лагьана Алиди ва Пайгъамбардиз (Аллагь рази хьуй) адан вафалувиликай ва а рекье адаз акур кьван гужарикай ахъайна. 
 
Вафалувал
 Гьеле Ислам кьабулзавай чIавуз Абу Бакран (Аллагь рази хьуй) вафалувал ачух хьана. Аллагьдин Пайгъамбар (Аллагь рази хьуй) Миърадждиз (цаварал тухун) финин гьакъикъат хиве кьурдалай гуьгъуьниз адаз гьакъикъатдин Зурба Шагьид тIвар гана. Уьмуьр амай кьван Абу Бакр (Аллагь рази хьуй) вини дережада хьана ва Пайгъамбардин (Аллагь рази хьуй) вафалу дуст яз амукьна. 
Меккедай Мединадиз куьч жедайла (Гьиджра) Савр дагъда авай магъарада четин декьикьайра ада вичин вафалувал къалурна. Ам Аллагь ва Адан Пайгъамбар (Аллагь рази хьуй) патал вири четинвилер ва азабар эхай ва вири женгера Пайгъамбардин (Аллагь рази хьуй) къалхан хьайи зурба кас я. Ам гьич са касни агакь тийидай хьтин вини дережайрив агакьнай.
 Кат1 ама...
 
 
 
 
 
 
 
 
Лезгинский исламский просветительский портал