Мусурмандин имандин бинеяр. часть 1

Иман - им Мугьаммад Пайгъамбарди  (Аллагьдин салатни салам хьуй адал).Аллагьдин патай халкьдиз гваз атай гьар са гафунихъ инанмиш хьун я. Мусурмандин имандихъ вичин ругуд дестек ава. Эгер абурукай сад къастуналди инкарзавай инсан хьайитIа, адакай динсуз жезва, яни ам мусурман диндай акъатзава. Хатадай ахьтин гафар сивяй акъатай инсанди гьайифар чIугуналди, Аллагьдивай рикIин сидкьидай вичелай гъил къачун тIалабна кIанда. Ада кIелзавай гафарин манадин гъавурда гьатна, шагьада мецел гъана рикIини тестикьарна кIанда («Ашгьаду алля илягьа илля-л-Лагь, ва ашгьаду анна Мугьаммада-р-расулу-л-Лагь»

 - «За сад Аллагьдилай гъейри мад са худани авачирди шагьидвалзава, ва мад шагьидвалзава Мугьаммад Аллагьдин пайгъамбар тирди»). Адалай кьулухъ имандин вири бинейрихъ ва Пайгъамбарди (Аллагьдин салатни салам хьуй адал). гваз атай гьар са гафунихъ ягъана кIанда. Имандин ругуд дестекдикай «Аманту» кIелайла малум жезва.

 

Имандин бинеяр: 

1. Сад Аллагьдихъ инанмиш хьун.

2. Малаикрихъ инанмиш хьун.

3. Ктабрихъ инанмиш хьун.

4. Пайгъамбаррихъ инанмиш хьун.

5. Къияматдин йикъахъ инанмиш хьун.

6. Кьисметдихъ инанмиш хьун, пис ва хъсан Аллагьдин патай я. 

 

Кат1 ама...

 

Лезгинский исламский просветительский портал