Мусурмандин имандин бинеяр. Часть 3

Малаикрихъ инанмиш хьун

Малаикрин гьакъиндай пак тир Къуръанда ва якъин гьадисра лагьанва. Абур аваз хьун гьакъикъат я. Малаикар, экуьнин нурдикай халкьнавайди, абур михьи, гунагьсуз ва Аллагьдин гьуьрметлу лукIар тирди, мусурман инанмиш хьана кIанда. Абуру кIевелай Аллагьдин буйругъар кьилиз акъудзава ва Адаз гьич садрани акси жезвач. Малаикри хъвазвач, незвач, ксузвач, жинс (диши-эркек) авач ва ибадатрал гьалтайла абур инжиклу жезвач. Цавар ва чилер абурай ацIанва ва абурун кьадар анжах Аллагь-Тааладиз чизва. Абур амай яратмишунрихъ галаз рекьида ва Къияматдин юкъуз къарагъар хъийида. 

Мусурмандиз агъадихъ галай малаикар ва абурун тIварар чир хьана кIанда: Жабраил  Аллагьдин патай пайгъамбаррин патав къвезва; Микаила  чилел няметар ва мал-девлет пайзава; Исрафила  Къияматдин йикъакай хабардар ийида; Азраила  инсанрин чанар къачузва. Абур чIехи малаикар я. Инсанрин къуьнерал алай, пис- хъсан амалар кхьизвай Ракъиб ва Атид малаикар гьакъикъат тирди чарасуз инанмиш хьана кIанда; сурун суалар гузвай малаикар – Мункарахъ ва Накирахъ, Женнет хуьзвай малаикрин чIехиди тир Ризванахъ u ва Жегьеннемда къайда хуьзвай малаикрин чIехиди тир Маликахъ ; Аршдал элкъвезвай ва ам чпел алаз тухузвай маликрихъ ва маса малаикрихъ инанмиш хьана кIанда. Эгер квевай малаикар авайди гьинай чизватIа жузуртIа, куьне абурукай гьакъикъат кхьенвай Къуръанда ва гьадисра къалурнавайди малумара!

Кат1 ама...

 Предыдущая глава

Лезгинский исламский просветительский портал