Мусурмандин имандин бинеяр. Часть 4

Ктабрихъ инанмиш хьун

Аллагьдин патай пайгъамбарриз ктабар ва луьлеяр (свитки) вуганвайди Жабраил (Адал салам хьуй) малаик  тирди, мусурман инанмиш хьана кIанда. Вири санлай 104 ктаб рекье тунвай, абурукай 100 луьлеяр хьиз ва 4 ктабар хьиз. Абурукай кьилинбур агъадихъ галай кьуд ктаб я:

Таврат (Тора) – Муса пайгъамбардиз (Адал салам хьуй) ,

Забур (Псалтырь) – Давуд пайгъамбардиз (Адал салам хьуй),

Инжил (Евангелие) – Иса пайгъамбардиз (Адал салам хьуй) 

Къуръан – Мугьаммад Пайгъамбардиз (Аллагьдин салатни салам хьуй адал) рекье тунвай.

Адам пайгъамбардиз (Адал салам хьуй)  – 10 ктаб,

Шис пайгъамбардиз (Адал салам хьуй) – 50 ктаб,

Идрис пайгъамбардиз (Адал салам хьуй)  – 30 ктаб

 Ибрагьим пайгъамбардиз (Адал салам хьуй) – 10 ктаб рекье тунвай.

Аллагь-Тааладин ктабри инсанриз чилел герек къайдада уьмуьр тухун чирзава ва гьакъикъи диндин гъавурда твазва.

Къуръан - им вилик квай девирра рекье тур кхьинрин мана кIватIнавай Халикьдин эхиримжи ктаб я. Ам Къияматдин югъ алукьдалди садавайни чIуриз тежер, Мугьаммад Пайгъамбардин (Аллагьдин салатни салам хьуй адал) виридалайни чIехи аламат я. Аллагьдилай гъейри мад гьич садавайни Къуръандиз тешпигь, гьатта са гъвечIи сура хьайитIани кхьиз жедач. 

Предыдущая глава 

 

 

Лезгинский исламский просветительский портал