Аллагьдин ерийрикай «сальби» квез лугьузва вуч я? Вучиз абуруз икI лугьузва?

Мадни Аллагьдин   99 гуьзел сифатрихъ галаз барабар ериярни ава, абурни чир хьунин лазимвал ава. Абуруз "сальби" лугьузва.

1. Къидам (эвел тахьун).

2. Бакъа (эхир тахьун).

3. Мухаляфату-ль-гьавадис (тешпигь авачирди).

4. Къиямугьу бинафси (аслу туширвал).

5. Вагьданиййя (Аллагьдин   сад тирвал).

 

 1 Къидам (эвел тахьун)

И ериди Аллагьдихъ   бине авачирдан гьакъиндай шагьидвалзава. Аллагь  Им Вич арадал атунихъ бине авачирди я. Амма им Ада халкь авурбуруз хас туш. Мисал патал аял хун къачун. Хадай декьикьа, сят, югъ ва йис – ибур вири ам арадал атунин ва уьмуьрдин эвел я. Я туш хьи, са гьи ятIани шегьер эцигзава, дарамат хкажзава. Абур эцигна куьтягьай декьикьа абур кардик акатунин бине жеда. Аллагьдиз   лагьайтIа, ихьтин эвел авач. Ам эвел авачирди я.

 2 Бакъа (эхир тахьун)

И еридин мана ада ава хьи, Аллагь  паталди ажал, чкIурун, квахьун авач. Аллагь   эбеди я. Аллагьди   халкь авурбурукай терг тежезвай, рекьин тийизвай са затIни авач текса Халикьдин Тахтунилай (аль-Арш), Адан Курсдилай (аль-Курс), Женнетдилай (аль-Жанна), Жегьеннемдилай (аль-Жагьаннам), Хуьзвай Кьуларилай (аль-Лявгь альМахIфуз), Къелемдилай (аль-Къалям) ва инсандин бедендин гъвечIи кIарабдилай (ажбу занаб - копчик) алатайла. Имам аш-Шафиидин гьакъикъатдив кьазвай гафарай ибурук руьгьни (арругь) акатзава. Вири ибур Сад тир Аллагьди  эбеди яз халкьнава.

 3 Мухаляфату-ль-гьавадис (тешпигь авачирди)

Сад тир Аллагь  Вичи халкь авур-бурукай гьич садазни, я абурни Сад тир Аллагьдиз  ухшарбур туш. Аллагь  са квез ятIани тешпигь гъун инан-мишсузвал яз гьисабзава. Ни хьайитIани вичин фикирдиз Аллагьдин  къамат гъайитIа, ада фикирдиз гъизвайди гьакъикъатдивай яргъади жеда. Аллагь  чаз михьиз, хъсандаказ чир тежедайдан гьакъиндай гъавурда акьун – им Ам чир хьун лагьай чIал я. Аллагьдин   гьакъикъивиликай гьуьжетар арадал вегьин ширк, яни гзаф аллагьрихъ ягъун яз гьисабзава. Аллагьди   Вичиз хас тушир ерияр тагуникай инсанар тагькимарнава.

 4 Къиямугьу бинафси (аслу туширди, игьтияжар авачирди)
Сад тир Аллагь  кьилдинди ва аслу туширди я. Им вири Адахъ муьгь-теж я ва ам Вич садахъни, са куьнихъни муьгьтеж жезвайди туш лагьай чIал я.

5 Вагьданиййя(Аллагьдин  сад тирвал)
И еридин асул метлеб адакай ибарат я хьи, ада Аллагь   сад тирди, адахъ маса са терефдарни авачирди тестикьзава. И кардин гьакъиндай герек тир, лазим кьадарда, тамамви лелди чирвилер «Бустан Аваристан» ктабдай къачуз жеда. Ни и тестикьару-низ акси келимаяр лугьузватIа, ахьтин-ди рекьелай алатнавайди ва инсанарни рекьелай алудзавайди яз гьисабзава. Винидихъ къейд авур ерийриз «сальби» лугьузва, вучиз лагьайтIа абуру Аллагьдин  гьакъиндай фикирар адаз хас тушир сифетризни ерийриз мукьва хьуникай хуьзва. Месела «эвел тахьуниз» (къидам) акси тереф им са кардин бине эвел хьун я, ва «эхир тахьуниз» (бакъа) акси сифет – им квахьун, эхир атун, ажал агакьун мана гузвай сифетар я. Идалди къейд ийиз жеда хьи, вини-дихъ лагьай вад ериди, Сад тир Аллагьдиз   хас тушир ерияр инкар ийизва.

Лезгинский исламский просветительский портал