СУАЛ-ЖАВАБ

— Сив хуьникай сагъламвилиз хийир ава лугьуда, дуьз яни?
— Алатай, диндиз акси политика тухузвай, йисара гьатта сивер хуьникай инсандин сагъламвилиз зиян ава лугьуз лекцияр кIелзавай. Гила дуьньядин алимри сив хуьнихъ сагъ-ламвал мягькемарунин карда еке метлеб авайди субутарзава. Мусурман уьлквейра алимри сив хуьнихъ авай метлебдикай телевиденидай мукьвал-мукьвал суьгьбетар ийизва. 
Чи Пайгъамбарди (Аллагьдин салатни  салам  хьуй адал) лагьайди я: "Сив хуьх, шаксуз, сагълам жеда.
 Гьа са вахтунда сивер хуьни сагъламвилиз зиян гузвай (уьзуьрлу тир) инсанриз Къуръанда сивер хуьн тийидай ихтияр ганва.
 
— Сив гвайдаз вуч авун иллаки къадагъа я?
— Гьар гьихьтин хьайитIани гьарам крар аву. Гьатта чарасузвал авачиз чуьхуьнни кутугнавач
 
— Са касди, гъалатI яз, сив вахтундилай вилик хкудайтIа, югъ гьисабзавани?
— Ваъ, им сив хуьн тавурдай я. Ам эвез (къаза) хъувун чарасуз я. Мусурмандиз сив хкуддай вахт чир хьана кIанда
 
— Сив квелди хкудайтIа хъсан я?
— Аваз хьайитIа, сив пуд хумравдалди ва я Зам-замдин целди хкудун хъсан яз гьисабзава. ТахьайтIа, михьи целди, ширин шейэралди (яр-емишдалди) хкудайтIани жеда.
Лезгинский исламский просветительский портал