Рамазандин вацра сив хуьн маса динриз хас тирни?

Рамазандин вацра сив хуьн маса динриз хас тирни?

Са бязи алимри лугьузвайвал, Рамазандин вацра сив хуьн маса динриз хас туш ва и кар анжах Мугьаммад Пайгъмбардин (Аллагьдин салатни  салам  хьуй адал) умматдин хиве тунвай ферз я. Амма маса алимри лугьузвайвал, Рамазандин вацра сив хуьн маса динар гвайбурунни хиве тунвай. Чувудри Рамазандин вацран сив туна йиса са сеферда Ашурадин юкъуз сив хуьз башламишна. Хашпарайри лагьайтIа, сифтедай Рамазандин сив хуьзвай.

 Ахпа а варз гатун йикъарал атайла, абуруз сив хуьз четин хьана. Гьаниз килигна абурун кешишри сив анжах гатфариз кьунин ва жерме яз идал 10 югъ алава хъувунин къарар акъудна («ФатхIу-ль-Аллям»).

Мусурманди гьи яшдилай сив кьаз башламишна кIанда?

Мусурманди яшарин (яшдин) тамамвал, балугъвал (тахминан 14,5 йис) хьайила сив кьаз башламишна кIанда. Яшар балугъ тахьанвай аялрин хиве сив хуьн ва капI авун авач. Анжах жез хьайитIа ирид йисалай гатIумна диде-бубайри чпин аялрив капI ийиз ва сив кьаз туна кIанда. Аялдин 10 йис хьайила диде-бубади абур сив кьаз ва капI ийиз мажбурна кIанда. Эгер аялди и кардикай кьил къакъудзаватIа, диде-бубадиз Шариатдин сергьятра аваз абуруз жаза гудай, яни гатадай ихтияр ава («Фатгьу-ль-Аллам»).

КпIар тийиз хьайитIа кьазвай сивер Аллагьди пIар тийиз хьайитIа кьазвай сивер Аллагьди  кьабул- кьабулзавани?

КапI авун, сив кьун, закат гун, гьаждал фин – ибур вири мусурмандин хиве авай ферзер, яни чарасуз кьилиз акъудна кIандай шартIар я. Амма абурукай сад кьилиз акъуд тавун масадахъ галаз алакъалу авун дуьз туш, месела, капI ийизвач лугьуз сивер кьун тавун. Къияматдин юкъуз инсанди гьар са шартI кьилиз акъудунин гьакъиндай кьилди жаваб гуда.

Лезгинский исламский просветительский портал