Бязи дишегьлийри чпин стха, буба ва я маса мукьва-кьили кечмиш хьайила йисаралди, гьатта амай уьмуьрда яс кьазва, чIулав алухар алукIзава. Ихтияр авани?

Итимдилай гъейри маса мукьва-кьили кечмиш хьайила, дишегьлидиз пуд йикъалай гзаф вахтунда яс кьадай ихтияр авач. Эгер ада пуд йикъалай гзаф яс кьуртIа, ам Аллагьдин  кьадардал рази туш лагьай чIал жезва. Гьелбетда, ихьтин дишегьлидиз гунагь жеда. Итим кьейи дишегьлидиз яс кьун къвезва. Яс кьуни талукь къадагъаяр арадал гъизва:
1. Иддадин вахтунда масадаз гъуьлуьз фин.
2. Дишегьлидиз чеб къалуриз ихтияр ганвай чин ва гъилин капашар хнада тун. Фикир желбдай экуь рангарин перемар алукIун, яни дамахар авун.
3. Гьам къизилдикай, гьам гимишдикай авунвай безетмишдай затIаралди жув чIагурун.
4. ГьакI жуван бедендиз, гьакIни парталриз атирар ягъун.
И къадагъаяр идда амай кьван давам жезва. Идда - им 4 варзни 10 югъ вахт я
 
(«ФатхIу-ль-МугIин»).
Лезгинский исламский просветительский портал