11 йис хьанвай гададиз мискIинда азан гудай ихтияр авани?

Эхь, ихтияр ава. Амма гъвечи ва я чIехи дастамаз гвачир касдиз, фасикьдиз, яшар тамам (тахминан 14,5 йис) тахьанвайдаз азан ва икъамат гун карагьат я. Ибуруз карагьат я, эгер азан гудайвал дастамаз гвай, диндар, яшар тамам хьанвай кас аваз хьайитIа. Ихьтинбур авачиз хьайитIа, гьатта гъвечIи аялдини ам гана кIанда, гьикI хьи, азандин ван алачир хуьрел бедбахвилер къведа ва ам ферзу-ль-кифая, яни жемятдин хиве авай ферз я. 
Ферзу-ль-кифая – им эгер хуьре авай сада кьванни кьилиз акъудайтIа, виридан хивяй акъатзавай, эгер садани тавуртIа виридаз гунагь жезвай ферз я. ГьакIни, кьибледихъ элкъуьн тавуна ва ацукьна (къарагъиз жезвай касди) азан гун карагьат я 
(«Мингьажу-тI-ТIалибин»)
Лезгинский исламский просветительский портал