Мейит сурарал тухудайла, дишегьлияр адан гуьгъуьна аваз фена кIанзавани?

Кечмиш хьайиди сурарал тухудайла, итимриз адан гуьгъуьна аваз фин меслят къалурзава. Барра бин Азиба ахъайна: «Аллагьдин Расулди  чаз кечмиш хьайиди сурарал тухудайла адахъ галаз фин ва азарлубурал кьил чIугун буйругъна» (Бухари).
Дишегьлийриз лагьайтIа, и кIвалах авун меслят къалурнавач. Идалайни гъейри, мейитдин гуьгъуьна аваз сурарал физвай дишегьлийри Пайгъамбарди (Аллагьдин салатни  салам  хьуй адал) дишегьлийриз тунвай веси кьилиз акъудзавач. 
Умму Атията ахъайна: «Аллагьдин Расулди  чаз мейитдин гуьгъуьна аваз тефин буйругъна, амма и буйругъ къадагъа квайди тушир (яни и кIвалах дишегьлийриз къадагъа туш, анжах меслят къалурнавач)» (Бухари, Муслим) («Фикъгьуль-Мангьажий»). 
 
ИкI хьайила, Пайгъамбардин (Аллагьдин салатни  салам  хьуй адал) буйругъ кьилиз акъудна, дишегьлияр мейитдин гуьгъуьна аваз тефейтIа хъсан жеда. 
 
 
 
Лезгинский исламский просветительский портал