ЧIарарни кикер чилик кучудун лазим яни? Абуруз цIай ягъайтIа жедачни?

Инсандин бедендивай къакъатзавай чIарар, кикер ва маса затIар кучудун лазим я, цIай ягъун меслят къалурзавач. Исламдин алимри гьа икI лагьанва. Идан делилни Майлади ахъайзавай гьадис я: «Заз акунай хьи, зи бубади вичин кикер чилик кутазвай ва лугьузвай: «Пайгъамбарди  икI ийидайла заз акурди я».

Имам Агьмада лагьана: «Ибн Умарани  гьакI ийизвай, яни чилик кутазвай». 

Гьафиз Ибн Гьажара лагьайвал, и месэла-дин гьакъиндай вири мазгьабрин имамри гаф сад авунва, чIарар ва кикер кучудун меслят къалурнава. Къейд авун лазим я хьи, шариатда ихьтин къайда ава: «Инсандин бедендал алай вахтунда кIевун чарасуз тир пай, ам адахъай къакъатайлани кIевун лазим я». Яни бедендал алай вахтунда дишегьлидин чIарар гьикI аврат ятIа, гьакI абур адахъай къакъатайлани, аврат яз амукьзава, гьавиляй абур гьиниз хьайитIани гадарун дуьз къвезвач, чарадан вилерикай кIевна кIанда.

Лезгинский исламский просветительский портал