ВакIан як тIуьниз ишлемишзавай инсандиз гьихьтин гунагь жезва? Адакай Къуръанда лагьанвани?

Аллагь-Таалади Пак Къуръанда вири мусурманриз вакIан як тIуьн гьарам авунва (мана): «Квез гиликьнавай гьайван, иви ва вакIан як тIуьниз ишлемишун къадагъа я» («аль-Маида» сура, 3-аят). Алай аямдин илимди тестикьарзавайвал, вакIан як инсан патал лап хаталу ва чиркин тIуьн я. ВакIан як жуьреба-жуьре азаррин ва Аллагьдин  ажугъдин себеб я, гьавиляй мусурманди ам тIуьна кIандач. Вагьши вакIан якни кIвалин вакIанди хьиз гьарам я. Гьа жергедай яз колбасаярни гьарам я, вучиз лагьайтIа абурук вакIан пи кутазва.

Колбасадилай «гьалал» кхьейла адакай гьалал жезвайди туш, адак гьарамнавай шейэр квачиз хьайитIа, ахпа гьалал жезвайди я. И кардинни гъавурда акьун лазим я.

Пайгъамбардин  гьадисда лагьанва: «Гьарам тIуьна акьалтнавай як жегьеннемдин цIуз лайихлу я» (Ибн Жабир).  

Лезгинский исламский просветительский портал