Дастамаздин суннатар

Суваб гзаф хьун патал анжах арканар бегьемаруналди бесарна кIандач, мумкинвал хьайила, суннатарни ийиз алахъун лазим я.
 
 
 
Дастамаздин суннатар ибур я: 
1. Сивак (сарар михьзавай кIарас) ишлемишун.
2. Сифте кьиляй «А’узу…» ва «Бисмиллягь…» лугьун.
3. Дастамаздив эгечIдалди виликамаз гъилерин капашар чуьхуьн.
4. Бедендин чуьхуьзвай вири паярин ферз тир чкадилай гзаф чуьхуьн.
5. Бедендин вири паяр пуд сеферда чуьхуьн.
6. Эвел бедендин эрчIи пай (яни эрчIи гъил ва эрчIи кIвач) чуьхуьн, ахпа – чапла пай.
7. Сивни нер санал чуьхуьн.
8. Кьежирай гъилер кьиливай михьиз гвягъун (икI авун патал, гъилерин чIехи тупIар цIвелерал ва амай тупIар пелел эцигна, санал виликай кьамухъ тухуда).
9. Япар чуьхуьн.
10. Кьибледихъ элкъвена дастамаз къачун.
11. Бедендин чуьхуьзвай паярилай гъил тухун (яни гъил алтадун).
12. Чуру къалинди ятIа, ам тупIаралди чара авун.
13. Гъилер ва кIвачер чуьхуьдайла тупIар чара авун.
14. Вири паяр сад-садан гуьгъуьналлаз чуьхуьн (гзаф вахт акъуд тавуна).
15. Дастамаздин эвелдай ва эхирдай келима-шагьадат кIелун.
16. Дастамаз къачурдалай кьулухъ амукьай цикай (месела, гичинда) са хупI кьванни хъун.
Идалайни гъейри дастамаздин эвелдай ва эхирдай, гьакIни гьар са пай чуьхуьдайла, кIелдай сувабдин дуьаяр ава. 
 
Лезгинский исламский просветительский портал