Гзафбуру кпIунал ийизвай бязи гъалатIар

Агъадихъ галай гъалатIар авурла капI дуьз жезвач:
 
1. Дастамаз къачудай чIавуз кIвачер чуьхуьдайла, яд тупIарин арайриз физвач.
 
2. Масгьу ийидайла анжах пелелай гъил тухузва, кьилелай тухузвач.
 
3. Аврат ахъа хьун. Гзаф вахтара дишегьлийрин чIарар, гардан, хурун вини пад, кIвачер, билегрилай виняй гъилер ахъа хьун. Итимри юкь агъузайла, пицIинилай агъада авай далу ахъа жезва.
 
4. «Фатигьа» ва «ат-тагьийат» дуьз кIел тавун (месела, бязи гьарфар кIелзавач ва я алава ийизва, я тахьайтIа са гьихьтин ятIани сес чIуру къайдада сивяй акъудзава, я тахьайтIа ачух сесер герек тегьерда ялзавач ва мсб.).
 
5. Суждада ва руку’да герек кьадар вахтунда акъваз тавун.
 
6. Пелен ва капI ийизвай чкадин арада манийвал (бапIах, ягълух, чIарар) хьун.
 
7. КпIуниз гьахьдайла «Аллагьу акбар» лугьуналди гъилер хкажун ва рикIяй ният санал тахьун. Инал гьисабай гъалатIар авурла, капI чIур жезва (анжах 7-пунктуна авай «Аллагьу акбар» лугьуналди гъилер хкажун сунна я, ферз туш). 
 
«КапI – мусурмандин пак буржи» ктабдай.
 
Лезгинский исламский просветительский портал