Ибурулай гъейри мад кпIунал, ам чIур тийизвай, амма меслят къалур тавунвай (карагьат) гъалатIар ава.

 Абур агъадихъ галайбур я:
 
1. КIвачер сад-садавай гзаф къакъудун (къуьнерилай гьяркьуьдаказ).
2. КIвачер сад-садав гзаф агудун, абурун арада (са чпIинин) ара тун тавуна.
3. Дабанар санал ва тупIар галай пад сад-садавай къакъатна акъвазун.
4. «Фатигьа» кIелдайла гъилер пицIинилай агъада ва я гзаф виняй (хурал), я тахьайтIа юкьвалай гзаф чапла патахъ эцигун. 
5. Жемят-кпIунал «Амин, Раббаль алямин» имамдилай вилик лугьун.
6. Руку’ ийидайла гзаф агъуз хьун, гьатта гъилер кьуьнтерилай патахъ жедайвал.
7. Суждадиз фидайла сифте гъилер, ахпа метIер чиле акIурун.
8. Ат-тагьиятда «…илляллагь» лугьудай чIавуз къалурдай тIуб цавухъ элкъведайвал лап виниз акъудун ва я ам юзурун.
9. Гьар гъилера «Аллагьу акбар» лагьайла, гъилер япарив кьван хкажун (абур анжах кьуд чкадал хкажзава, идакай кпIунин суннатрикай ахъайдайла лагьанва.
10. Жемят-кпIуна маъмумди дуьаяр ван алаз кIелун ва гьа идалди патав акъвазнавайбуруз манийвал авун. 
11.  Вилик ва патарив гвай затIариз килигун.
12. Суждадиз фидайла шалвар виниз хкажун.
13. КпIунал кIелзавай дуьайрин арайра акъваз тавун.
14. КпIунин арада вилик ва я кьулухъ фин, яни инсан вич акъвазнавай чкадилай са патахъ фин.
15. ЭрчIи патаз салам гайидалай кьулухъ ва чапла патахъ гудалди кьил агъузна хкаж хъувун. 
 
«КапI – мусурмандин пак буржи» ктабдай.
 
Лезгинский исламский просветительский портал