Гьаждикай куьрелди

Ассаламу алейкум, гьуьрметлу зияратчи! Къуй Аллагьди  ваз, ви хизанриз ва мукьва-кьилийриз Вичин няметар ва Мергьяматлувал гурай! Къуй Аллагьди  ваз Исламдин вад лагьай дестек тир гьаж ва умра кьилиз акъуддай ахьтин къаст ва къуват гурай хьи, герек Аллагьди  абур Вичи кьабулдайвал.

Гьаж-им Исламдин вад лагьай дестек я, адан рехъни пара четинди я. Им мусурмандин имандин къуват,адан диндиз вафалувал, адан ахлакь ахтармишзавай чка я.

Иблис Аллагьди  Вичиз аси хьана лугьуз негь авурдалай инихъ ада (иблисди) Адаман  несилдихъ галаз мидявал ийизва ва ам дуьз рекьелай алудиз чалишмиш жезва. Иблисди акъваз тавуна мусурманри Эхиратда хийир авай кIвалахар тавун патал чалишмишвал ийизва.

 Гьаж ва умра тамамарунай кхьизвай сувабрин дережадин кьадар чир хьуниз килигна иблис зияратчийрин арада абурун зиярат Аллагьди  кьабул тавун патал гъулгъула тваз чалишмиш жезва.

Инсандин лап пехъи душман тир иблисдин таъсирдик акатна гьаждилай гъилер ичIиз хкведалди, ша чна агъадихъ ганвай къайдайрал амал ийин.

ЧIехибуруз гьуьрмет ва гъвечIибуруз регьим авун - им Пайгъамбардин (Аллагьдин салатни  салам  хьуй адал), суннадай я, вучиз лагьайтIа ада лагьанва: «ЧIехибуруз гьуьрмет ва гъвечIибуруз регьим тийизвайди зи умматдай туш».

Неинки рекье авайла, гьакIни Мединадани Меккеда, Минадани Арафатда авайлани рекьин юлдашар патал регьимлу хьун ва абурун хесетар ва къилихар сабурдивди эхи авун важиблу я. Юлдашдикай авай хъел акъвазариз тежедайла, и кар себеб яз арадал къведай Аллагьдин  ажугъ рикIел гъана кIанда. Чи пис къилих чи гьаж кьабул тавунин себеб хьун мумкин я.

РикIел хуьх, Гьарамдин берекатлу чилел гьар са хъсан ва я пис кар виш агъзур сеферда зарб жезва. Гьа ихьтин сувабарни гунагьар ийизвай ниятрайни къведа.

Меккедиз ва я Мединадиз атайла,зияратчийриз гостиницада нумраяр гузва. Ша чна гьаждин тешкилатчийри чаз чи чкаяр къалурдалди сабур ийин. Гьа икI чна маса зияратчийризни куьмек гуда. Эгер чна Аллагь  патал ихьтин сабур авуртIа, ам чи гьаж кьабулунин себеб хьун мумкин я. Кьабулай гьаждай лагьайтIа, Аллагьди  гузвай пишкеш анжах Женнет я.

Катl ама...

Скачать книгу

Лезгинский исламский просветительский портал