Гьаждикай куьрелди

Гьаждин чарасуз кьиле тухвана кIанзавай важиб адетар

Гьаждин чарасуз кьиле тухвана кIанзавай важиб адетарКьилин дестекар тир рукнудилай алатайла, гьаждик чарасуз кьиле тухвана кIанзавай вад важиб ава, абур нагагь кьиле тухун тавуртIа, гьаж чIур жезва лагьай чIал туш, амма идай жерме къвезва:

1 Гьаждин адетар кьилиз акъудун патал тайин тир чкадал - микъатдал игьрамдин гьалда хьун;

2 Зу-ль-гьиджа вацран цIуд лагьай йиф Муздалифа лугьудай чкада акъудун;

3 Зу-ль-гьиджа вацран цIуд лагьай йикъалай гатIумна Мина тIвар алай чкада пуд йиф акъудун;

4 Мина тIвар алай чкада тайин тир чкайриз-жамаратдиз къванер гадарун;

5 Меккадай экъечIдалди эхиримжи тIаваф (тIавафу-­ль-­вада’-сагърайтIаваф) авун.

Нагагь зияратчиди и винидихъ къейднавай важибар кьилиз акъуд тавуртIа, ада Меккада жерме яз къурбанд авуна кIанда. Нагагь икI ийидай такьат адахъ авачтIа, цIуд йикъан къене сивер хуьн лазим я: пуд юкъуз Меккада ва амай ирид юкъузни вичин ватандиз хтайла.

Скачать книгу

Лезгинский исламский просветительский портал