Гьаждикай куьрелди

Гьаждиз ва я умрадиз гьахьунин ният авун

И гьазурлухвилер акурдалай кьулухъ зияратчийри мискIинда чпин зиярат башламишунин гьакъиндай кьве ракаатдин суннат-капI авуна кIанда. КапI авурдалай кьулухъ: Нагагь зияратчидиз ифраддин къайдада зиярат авунин фикир аватIа, ада ихьтин ният ийида:

«За гьаждизгьахьунин гьакъиндай ният ийизва ва Садтир Аллагь  патал ам кьилиз акъудунивэгечIзава».

«Ляббайка­л-лагьумма би-хIажжатин ляббайк, ляббайкаля шарика ляка ляббайк, инна-­ль­-хIамда ва-­н-­нигIмата ляка ва­-ль­-мульк, ля шарика ляк».

Нагагь зияратчидихъ зиярат таматту’дин къайдада ийидай фикир аватIа, ада агъадихъ галай къайдада ният авун лазим я:

«За умрадиз гьахьунин гьакъиндай ният ийизва ва Сад тир Аллагь  паталам кьилиз акъудунив эгечIзава».

«Ляббайка­л-лагьумма бигlумратин ляббайк, ляббайка ля шарика ляка ляббайк, инна-­ль­-хIамда ва-­н­-нигIмата ляка ва­-ль­-мульк, ля шарика ляк».

Эгер зияратчидиз зиярат къирандин тегьерда ийидай фикир аватIа, ада ният и къайдада авун лазим я:

«За гьаждинни умрадин адетрикэкечIун патал, абур кьведни сад авуна ният ийизва ва зун абур Сад тир Аллагь  патал кьилиз акъудунив эгечIзава».

«Ляббайка-­л-лагьумма би хIажжатин ва гlумратин ляббайк, ляббайка ля шарика ляка ляббайк, инна-ль-­хIамда ва­н-нигIмата ляка ва-ль­-мульк, ля шарика ляк».

Гьаждиз гьахьайдалай кьулухъ Зу-ль-гьиджадин 10 лагьай йикъалди, къванер гадардай вахтуналди «Лаббайк...» жезмай кьван гзаф лугьун хъсан яз гьисабзава.

«Ляббайка-л-лагьумма ляббайк, ляббайка ля шарика ляка ляббайк, инна-ль-хIамда ва-н-нигIмата ляка валь мульк,ля шарика ляк».

И гафарин мана ихьтинди я: «Я Аллагь! Ваз къуллугъ ийиз ва муьтIуьгъ жез гьазур я! Ваз къуллугъ ийиз ва муьтIуьгъ жез гьазур я! Ваз шерик авач. Ваз къулугъ ийизва муьтIуьгъ жез гьазур я. Вири крарин тариф, няметар ва агъавал Види я. Ваз шерик авач!»

Скачать книгу

Лезгинский исламский просветительский портал