Гьаждикай куьрелди

Мединадиз фин ва Пайгъамбардал  (Аллагьдин салатни  салам  хьуй адал) зиярат авун

Аллагь чир хьунив агудзавайбурукай сад яз гьисабзавай ва зияратчияр патал важиблу сунна Мединадиз ва Пайгъамбардин (Аллагьдин салатни  салам  хьуй адал) сурал фин яз гьисабзава. Бязи алимри гьисабзавайвал, Пайгъамбардин (Аллагьдин салатни  салам  хьуй адал) сурал фин ферз я.

Къуръандин 64-аятдин «Ан-Нисаъ» сурада Сад тир Аллагьди гунагькар инсанриз Пайгъамбардал (Аллагьдин салатни  салам  хьуй адал) кьил чIугуниз эвер гузва, абуруни ва Пайгъамбардини  (Аллагьдин салатни  салам  хьуй адал) абурухъ галаз санал чпин гунагьрилай гъил къачун тIалабун патал, ихьтин арада Ада Вичин регьим къалурда ва абурун гунагьрилай гъил къачуда.

 Пайгъамбардин (Аллагьдин салатни  салам  хьуй адал) гзаф кьадар келимаяр ава вичин сурал кьил чIугун патахъай лагьанвай. Ингье абурукай бязибур. 

Пайгъамбарди (Аллагьдин салатни  салам  хьуй адал) лагьана: 

«Вуж гьаж авуна зал кьил чIугун тавуна хтайтIа, ам заз гьуьрмет тавурдай, захъ чин элкъуьр тавурдай, закай яргъа хьайидай гьисаба кьада».

Маса гьадисда лугьузва:

«Ни зал зун и дуьнядай фейила кьил чIугуртIа, ам зал чан аламайла кьил чIугурдав барабар жеда»

Мадни са гьадис гъин:

«Ни зи сурал кьил чIугуртIа, ахьтиндан патахъай за Суд-дувандин юкъуз шафаат ийида».

Лезгинский исламский просветительский портал