КпIунин суннатар

КпIунин суннатар ибур я:

1. «Аллагьу акбар» лугьудай чIавуз кьуд чкадал гъилер хкажун: кпIуниз гьахьдайла, руку’диз фидайла, «СамигIаллагьу лиман хIамидагь» гафар лугьуналди руку’дай хкаж жедайла, ат-тагьият кIелна пуд лагьай ракатдиз хкаж жедайла. Бязибуру кпIунал гьар сеферда «Аллагьу акбар» лугьудайла гъилер хкажзава. Абур гъалатI жезва.

2. «Фатигьа» кIелдайвал акъвазайла, эрчIи гъилелди чапла гъилин билег кьун.

3. КпIуниз гьахьнамазди, яни «Фатигьадив» эгечIдалди "Важжагьту"-дуьа кIелун.

4. Гьар гъилера «Фатигьа» кIелиз эгечIдалди «АгIузу биллягьи мина-ш-шайтIани-р-ражим» лугьун. 

угьун.

6. Сифте кьве ракатда «Фатигьадилай» кьулухъ Къуръандай са сура ва я аятар кIелун. Сифте ракатда кьвед лагьай ракатдилай яргъи сура кIелун меслят къалурзава. Идалайни гъейри сурайрин ва аятрин тартиб хуьн, яни Къуръанда сифтедай къвезвайбур ва ахпа гуьгъуьнай къвезвайбур кIелун сунна я.

7. Руку’дин вилик ва саждадин виликни гуьгъуьнай, гьакIни пуд лагьай ракатдиз хкаж жедайла «Аллагьу акбар» лугьун. Руку’дай хкаж жедайла, «СамигIаллагьу лиман хIамидагь» кIелун.

8. Руку’да пуд ва адалай гзаф (тек кьадар, цIусадал кьван) «СубхIана Раббиял ГIазим ва бихIамдигь(и)» лугьун.

9. Саждада пуд ва адалай гзаф (тек кьадар, цIусадал кьван) «СубхIана Раббиял АгIля ва бихIамдигь(и)» лугьун.

10. МетIерал ацукьай арада гъилер метIерал эцигун.

11. Кьве саждадин арада метIерал ацукьайла, дуьа кIелун.

12. МетIерал ацукьайла, эрчIи кIвачин къадам тикдиз эцигун.

13. Ат-тагьиятдин «…илля ллагь» гаф лугьудайла Аллагьдин сад тирвал тестикьардайвал эрчIи гъилин къалурдай тIуб хкажун.

14. КпIунин эхирдай салам гудалди ат-тагьиятдин гуьгъуьнай «кама саллайта» ва маса дуьаяр кIелун.

15. «Субгьаналлагь» лугьудай вахтунда агъадихъ галай чкайрал акъвазун:

а) КпIуниз гьахьдайла лугьузвай «Аллагьу акбар» гафаринни важжагьту-дуьадин арада. б) Важжагьту-дуьадинни «Фатигьадин» арада. 

в) «Фатигьадин» ва «амин раббаль аламин» гафунин арада.

г) «амин раббаль аламин» гафунин ва адан гуьгъуьнлай кIелзавай сурадин ва я аятдин арада (сифте кьве ракатдиз талукь я).

д) «Фатигьадин» гуьгъуьнлай кIелзавай сурадинни руку’дин арада (сифте кьве ракатдиз талукь я).

16. Михьиз кпIуна пел эцигзавай чкадиз килигун, анжах ат-тагьият кIелдайла, тIуб хкажай чIавуз адаз килигда.

17. КIелзавай дуьайрин манадин гъавурда акьун, абуруз фикир гун.

18. Аллагьдикай фикир авун, Адаз аквазвайди, ван къвезвайди ва куьне квекай фикирзаватIани, чизвайди рикIел хьун, яни гьузурдин гьалда хьун (бязи алимри кпIунал гьузурда хьун ферз я лугьузва).

19. Кьвед лагьай салам гун.

20. Салам гун патал кьил эрчIи ва чапла патахъ элкъуьрун.

Лезгинский исламский просветительский портал