Суалриз жавабар

Рушари шалварар алукIунин патахъай Шариатда вуш лагьанва?

Вич мусурман яз гьисабзавай рушаз шалварар алукIун гьарам я. 

Сад лагьайди, ам итимриз тешпигь хьун я. Идан гьакъиндай Пайгъамбарди (Аллагьдин салатни салам  хьуй адал) лагьанва: «Итимриз тешпигь жезвай дишегьлияр ва дишегьлийриз тешпигь жезвай итимар Аллагьдин  лянетдик акатзава» (Бурахи).

 Кьвед лагьайди, шалвар алукIай руша вичел чара итимрин фикир желб ийизва. Идан гьакъиндайни Пайгъамбарди (Аллагьдин салатни салам  хьуй адал) лагьана: «Эхир заманада алукIнавай ва гьа са вахтунда кьецIила авай дишегьлияр акъатда, абуруз гьич Женнетдин ни къведач».

Иниз килигна, Аллагьдин  разивал, Женнет кIанзавай мусурман дишегьлиди гьижаб алукIрай. 

 

 

 

 

Лезгинский исламский просветительский портал