Суваб гъиляй ахъаймир, суннат-ратибат кпIар ая!

Ратибатар – еке къимет авай ферз тир кпIарин вилик ва я кьулухъ ийизвай махсус суннатар я. Суннат-ратибатар ийидай вахт ферз тир кпIунин вахт алукьайла башламишзава ва адан вахт куьтягь хьунивди куьтягьни жезва.

Ферз кпIунин вилик ийизвай суннат- ратибатар са гьихьтин ятIани себеб аваз ахъа хьанватIа ва ферз кпIунин вахт алатнавачтIа авуртIа жеда ва ам вахтунда авунвайдай гьисабда, адакай къаза жезвач, адаз ният ийидайла гьамиша ийизвайвал ийида. Месела, ният авуна за нисинин кпIунин вилик квай кьве ракат ратибат капI авуниз Аллагь патал. Эгер ферз кпIунин вахт алатнаватIа ният ийидайла «къаза» гаф алава хъувуна кIанда. Ахъа хьайи суннат кпIар къаза хъувун сунна я. 

Экуьнин ферз тир капI мискIинда ийизвай касдиз адан вилик квай суннат-ратибат кIвале авун меслят къалурзава. И кьве ракат ратибатрикайни виридалайни къиметлуди я. Айшади  лагьана: «Экуьнин кпIунин вилик квай кьве ракат суннат Аллагьдин Расулди (Аллагьдин салатни салам  хьуй адал) садрани ахъаяй туш. КIвале ва рекье авайлани, сагълам ва азарлу тир вахтундани авурди я».

Мугьаммад Пайгъамбарди (Аллагьдин салатни салам  хьуй адал) лагьана: «Аллагь-Таалади хабар гузва: «Ферз тир кпIар авурла лукI Зи азабдикай къутармиш жезва, сувабдин кпIар авурла ам Зи мукьув жезва» (Суннат кпIари хьиз маса меслят къалурнавай ибадатрини, месела, устазди гузвай экуьнахъни нянихъ кIелзавай вирд, лукI вичин Раббидив мукьва ийизва).

Мад Пайгъамбарди (Аллагьдин салатни салам  хьуй адал) лагьана: «Куь сувабдин кпIар гуьрчегар (яни рикI михьи яз, тади тавуна ая), гьикI хьи, ратибатри ферз тир кпIарин нукьсанар кIевзава». Маса гьадисда лагьанва: «Суннат кпIар чна Халикьдиз  гузвай пишкешар я. Къуй гьар сада вичин пишкеш гуьрчегаррай». Пишкеш лагьайтIа, кIанивилин себеб я. Гьавиляй Пайгъамбарди (Аллагьдин салатни салам  хьуй адал) лагьанва: «Куьне сада-садаз пишкешар це, куь арада кIанивал жеда».

Катl ама...

 

 

 

 

Лезгинский исламский просветительский портал