Веси

 Пайгъамбарди (салам ва салават хьуй адал) лагьана:

«Веси тун тавуна кьейи инсандивай амай кьейибурухъ галаз рахаз жедач».

Асгьабри адавай Дувандин югъ алукьдалди кьейибур чеб-чпихъ галаз рахазвани лагьана суал вугайла, Расулуллагьди (салам ва салават хьуй адал) жаваб гана: «Кьейибур сад-садахъ галаз рахани ийизва ва мугьмандизни физва. Заз ахварай женнетда авай кьве дишегьли акуна. Абурукай сад рахазвай, муькуьди ваъ. За рахазвай дишегьлидивай жузуна: «Вучиз муькуьди рахазвач?» Ада жаваб гана: «Ада веси тунач, гьавиляй адавай Дувандин югъ алукьдалди рахазни жедач». 

Весидин гьакъиндай пак тир Къуръандин кьве аятда лугьузва. Ам акьван важиблу Сунна я хьи, гзаф гьадисра ам кьилиз акъудуниз эвер гузва.

Бухаридилай атанвай якъин гьадисда лугьузва: «Гьар са инсанди веси кхьена вичив туна кIанзава».

Муслималай атанвай маса гьадисда лугьузва: «Вичиз са тIимил кьадарда хьайитIани мал-девлет авай мусурманди, веси кхьин тавуна гьатта кьве йиф акъуддай ихтиярар авач».

Гьадисда лагьанвай «гьатта кьве йиф», им гьакъикъатда кьве йиф лагьай чIал туш, яни мусурманди а кар яргъалди вегьин тавуна кьилиз акъудун я («Гьафани аля аль-жами ас-сагъир»).

Ибн Мажагьалай атанвай Пайгъамбардин (салам ва салават хьуй адал) гьадисда лугьузва: «Веси тун тавунвай инсан чIехи бахтуникай хкатна. Веси кхьена кьенвай инсан, Сунна кьилиз акъуднавай, Аллагьдихъай кичIе, гунагьрилай гъил къачунвай, дуьз рекьел алайбурун жергеда авай шагьид я».

Гьавиляй, яшар тамам хьанвай гьар са инсанди, итим ва дишегьли тафават авачиз, чарасуз веси туна кIанзава. 

Лезгинский исламский просветительский портал