КапI – Женнетдин куьлег. Часть 2

КапI авунин чарасузвилин делилар

КпIунин гьакъиндай пак тир Къуръанда Аллагь Таалади лугьузва (мана):

«Гьакъикъатда тайин тир вахтунда капI авуниз мусурманар мажбур я»

(«Ан-Ниса» сура, 103-аят).

Бухаридилай ва Муслималай атанвай Пайгъамбардин (салат ва салам хьуй адал) гьадисда лугьузва: «Дугъриданни Аллагьди куь хиве гьар юкъуз ва йифиз вад капI авун тунва».

 

КапI ни авун лазим я?

Яшар тамам хьанвай (14,5 йис) ва къанажагълу гьар са мусурман итим ва дишегьли капI авуниз мажбур я. Дишегьлийри вацран кьилер башламишайла ва аял хьана беден чиркинрикай михьи хъжедай вахтунда капI акъвазарда. И вахтунда ахъа хьайи кпIар къаза (эвез) хъувун герек къвезвач. Аялриз ва акьулдиз кьери инсанриз капI авунин чарасузвал авач. Пайгъамбардин (салат ва салам хьуй адал) Суннадай аквазвайвал, ирид йисалай аялдив капIиз вугун хъсан я.

Предыдущая глава

Катl ама...

 

Лезгинский исламский просветительский портал