КапI – Женнетдин куьлег. Часть 3

КпIунин лайихлувилер

Гьадисда лугьузва: «Йикъа вад сеферда капIзавай инсанди, налугьуди вичин кIвалин виликай физвай вацIа йикъа вад сеферда жендек чуьхуьзва. Ахьтин эхъуьни беден чарасуз михьи ийида. Лазим жуьреда, вири ислемишунар кьилиз акъудна авунвай кпIунини инсандин руьгь гунагьрикай михьи ийизва».

«Ни лазим къайдада дастамаз къачуна вад капI авуртIа, абурун арада хьайи гунагьрилай Аллагьди гъил къачузва, эгер абур чIехи гунагьрикай туштIа», - лугьузва якъин гьадисда.

Маса гьадисда лугьузва: «Инсандиз ийиз ихтияр ганвай кьве кьил кпIунилай къиметлу, Аллагьди са шейни ганвач».

Мугьаммад бин Сирина лагьана: «Эгер заз Женнетдини кьве кьил кпIунин арада абурукай сад хкягъдай ихтияр ганвайтIа, за капI хкягъдай, вучиз лагьайтIа Женнетда зи разивал ава, кпIуна-Аллагьдин».

Пайгъамбарди (салат ва салам хьуй адал) лагьана: «Са капI ахъа ийирдалай квез, хизандивай ва девлетдивай магьрум хьун хъсан я».

КапI тазвайдаз гузвай жазаяр

Гьадисда лугьузва: «Ни къастуналди капI тавуна туртIа, адан тIвар Жегьеннемдин ракIарал кхьида ва адаз анаг кьисмет жеда».

Цаварал тухвай йифиз Мугьаммад Пайгъамбардиз (салат ва салам хьуй адал) и кьил а кьил авачиз са инсандин кьил чIехи къванцив кукIвариз ва сагъар хъийиз акуна. Тажуб хьайи ада Жибрил малаикдивай  бахтсуз кас вуж я лагьана жузурла, малаикди ам капI тавунвайди я лагьана.

Са сеферда Муса пайгъамбардин (салам хьуй адал) патав са дишегьли атана ва лагьана: «Я пайгъамбар, загъ чIехи гунагь акъатна ва Аллагьдивай гъил къачун тIалабна, жедачни вунани тIалабайтIа?» Пайгъамбарди (салам хьуй адал) вуч гунагь я лагьана хабар кьурла, дишегьлиди лагьана: «Зина авуна заз хьайи аял за жуван гъилеривди кьена». Муса пайгъамбарди (салам хьуй адал) лагьана: «Тадиз квахь зи вилерикай, ваз килигна Аллагьди зунни жазаламишиз кичIе я заз». РикI ханвай дишегьли хъфена. Адалай кьулухъ Аллагьди рекье тунвай Жибрил малаик (салам хьуй адал) Муса пайгъамбардин (салам хьуй адал) патав атана акъатна. Ада пайгъамбардивай жузуна: «Я Муса, вучиз вуна а дишегьли чкурна? Яраб ваз адалай гунагькар инсан акунач жал?». «Адалай гунагькарди мад вуж жеда»,- жузуна пайгъамбарди. Малаикди жаваб гана: «Къастуналди капI ахъайзавайди а дишегьлидилай пис я».

Предыдущая глава

Катl ама...

Лезгинский исламский просветительский портал