Начагъ дишегьлидиз эркек-духтурдин кьилив фидай ихтияр авани?

ЧIехи алим Мугьаммад Абдуллагь Журжаниди вичин «Фатгьул Аллям» ктабда икI лугьузва: «Эгер дишегьли-духтурар авачиз хьайитIа, дишегьлидихъ магьрам (шариатди некягь авун къадагъа ийизвай лап мукьва кас, месела, буба, стха…), гъуьл ва я ихтибарнавай дишегьли галаз хьайитIа, итим-духтурдиз ам сагъардай ихтияр ава. Идалайни гъейри маса шартIарни ава: «Духтур ихтибарнавайди (амин), ада са чIуру кIвалах ийида лагьана, кичIевал авачирди, мусурман-духтур аваз хьайитIа, кафир-духтурдин кьилив тефин, дишегьлидини бедендикай анжах чарасузвал авай чка кьецIиларун, адалай гзаф ваъ» («Фатгьуль-Аллям», 2-томдин 153-чин).

Амма рикIелай алудна кIандач, дишегьлидиз эркек-духтурдин кьилив винидихъ галай шартIар хвейила, анжах дишегьли-духтурар авачиз хьайитIа, фидай ихтияр жезва. Къенин юкъуз, шукур хьуй Аллагьдиз , дишегьли-духтурар бес кьадар ава, абурухъ гьатта гзаф къекъуьн герек къвезвач, гьавиляй абуруз эркек-духтуррин кьилив фидай ихтияр авач (гьарам я). 

 

Лезгинский исламский просветительский портал