Инсандиз кафир, я туштIа мушрик лугьудай гафарин мана гьа сад яни? Яни инсан- диз многобожник лугьуналди, чна гуя адаз кафир лагьай мисал яз жезвай гунагь сад яни?

«Ширк» лугьудай гафуни Аллагь сад туширди тестикьарзавай динсузвал къалурзава. Ширк ва куфр са манадин гафар я, вучиз лагьайтIа, ада сад Аллагь авайди инкарзава.
Генани ам, пайгъамбарвал ва шариат тапарар тир фикирар къалурзавай лишан я.
Кафиррин ва мушрикрин чка Жегьеннем я. Гьавиляй инсандиз ахьтин экъуьгъунар авуртIа, жезвай гунагь сад я (Рагъиб аль Аласфани). 
Имам ан-Нававиди, Аллагьдин регьимдик хьурай вич, вичин «Аль-Азкар» ктабда кхьизва: «Мусурмандихъ элкъвена «я кафир» лугьудай гафар мецел акъудун лап кIевелай къадагъа я» Ибн Умара, Аллагь рази хьурай вичелай, агакьарай гьадисда Пайгъамбарди (Аллагьди н салатни салам хьуй адал) лагьаналда: «Эгер инсанди вичин мусурман стхадиз «Я кафир!» лагьайтIа, а гафар элкъвена садан патав хъфида. Эгер ам гьа лагьай хьтинди яз хьайитIа, адаз а тIвар лайихлу жезва, амма эгер тушиз хьайитIа, а гафар гьа лагьайдан патав хъфида» (Бухари, Муслим).
Лезгинский исламский просветительский портал