Пак гьадисар

Пак гьадисар – Къуръанда гьат тавур, Пайгъамбарди (Аллагьдин салатни  салам  хьуй адал) чал агакьарай Аллагь-Тааладин гафар я.

Аллагь Тагьала лугьузва

Эй Адаман хва! Жегьилвилихъ ягъамир, гьикьван жегьилрин ажал фад атана, кьуьзуьбур лагьайтIа, абур кьейидалай кьулухъни гьа авайвал амукьна.

Эй Адаман хва! Гьикьван инсанри дуьньядин девлетар кIватIна, чухсагъул талгьудай мирес-варисриз туна, чеб кьена. Анжах эхиратда а девлетрин гьисаб (жавабдарвал) чпин хиве ава. И дуьньядал шадвал ийимир, гьакъикъатда ада валай вилик хьайибур алдатмишарайвал вунни алдатмишда. За халкьнавай шейэрин арада дуьнья хьиз Зи вилик усал (ажуз) са затIни авач. Вуна ам тур, гьакъикъатда адал рикI алайдаз ам са фитне я, ам кIватIзавайдаз - бедбахтвал я. Эгер ЧIехи Аллагьдин  вилик дуьньядин къимет са ветIрен луван къиметдиз барабар тиртIа, Ада кафирдиз са хупI ядни гудачир. За и дуьнья гъам-хажалат яз халкьнава.

 

Лезгинский исламский просветительский портал