Имам Нававиди гъайи яхцIур гьадис

2- гьадис

[ عن عمر رضي الله تعالى عنه أيضا قال : بينما نحن جلوس عند رسول الله صلى الله عليه وآله وسلم ذات يوم إذ طلع علينا رجل شديد بياض الثياب شديد سواد الشعر لا يرى عليه أثر السفر ولا يعرفه منا أحد حتى جلس إلى النبي صلى الله عليه وآله وسلم فأسند ركبتيه إلى ركبتيه ووضع كفيه على فخذيه وقال : يا محمد أخبرني عن الإسلام فقال رسول الله صلى الله عليه وآله وسلم : الإسلام أن تشهد أن لا إله إلا الله وأن محمدا رسول الله وتقيم الصلاة وتؤتي الزكاة وتصوم رمضان وتحج البيت إن استطعت إليه سبيلا قال : صدقت فعجبنا له يسأله ويصدقه قال : فأخبرني عن الإيمان قال أن تؤمن بالله وملائكته وكتبه ورسله واليوم الآخر وتؤمن بالقدر خيره وشره قال : صدقت قال : فأخبرني عن الإحسان قال أن تعبد الله كأنك تراه فإن لم تكن تراه فإنه يراك قال : فأخبرني عن الساعة قال ما المسئول عنها بأعلم من السائل قال : فأخبرني عن أماراتها قال أن تلد الأمة ربتها وأن ترى الحفاة العراة العالة رعاء الشاء يتطاولون في البنيان ثم انطلق فلبثت مليا ثم قال يا عمر أتدري من السائل ؟ قلت : الله ورسوله أعلم قال فإنه جبريل أتاكم يعلمكم دينكم ] رواه مسلم

Умар ибн аль ХатIабалай (Аллагь рази хьуй) лагьанва:

 «Са сеферда чун Аллагьдин Расулдихъ (Аллагьдин салатни  салам  хьуй адал) галаз, ацукьнавайла, бирдан чи вилик адетдинди тушир къешенг парталар алай, тежер кьадар гуьрчег сифет авай са инсан (ам чакай садазни чидай кас тушир, я адал сиягьат ийизвайдан лишан затIни алачир) пайда хьана. Пайгъамбардин (Аллагьдин салатни  салам  хьуй адал) метIерив метIер агудна абурал гъилер эцигна вилик ацукьай ада икI лагьана:

Я Мугьаммад (Аллагьдин салатни  салам  хьуй адал), хабар це заз Исламдикай. Аллагьдин Расулди адаз ихьтин жаваб гана:

Ислам- им Сад Аллагьдилай гъейри мад илягь авачирдан, Мугьаммад Пайгъамбарни Аллагьдин Расултирдан (Аллагьдин салатни  салам  хьуй адал)гьакъиндай шагьидвал авун лагьай чIал я; идалай гъейри Исламди капI авун, закат гун, Рамазанд вацра сивер хуьн ва Байтуллагьдин (Кябедин) патав Гьяждал фин ферз яз гьисабзава.

Вун гьахъ я, Мугьаммад, лагьана а итимди. Ахпа ада вичиз Имандикай хабар це лагьана.

Иман- давамарна Пайгъамбарди, - им Аллагьдихъ, Адан Малайикрихъ, Адан Ктабрихъ, Адан Пайгъамбаррихъ, Эхиратдин Йикъахъ, Кьадардихъ (яни Аллагьдин патай инсандиз гузвай са пай, кьисмет) ва гьакI вири хийир шийирни Аллагьдин патай тирдахъ инанмишвал авун лагьай чIал я.

Гьахъ я вун, Мугьаммад (Аллагьдин салатни  салам  хьуй адал) гила Игьсан вуч лагьай гаф ятIа ачухара.

Игьсан- им вуна Аллагьдиз, Ам аквазвайдай кьуна, ибадат авун (чаз Ам аквазвачтIани, Аллагьдиз чун аквазва эхир) лагьай чIал я.

Вун гьахъ я, Мугьаммад гила Къияматдин (Эхиратдин) Йикъакай хабар це.

Жаваб гузвайдаз, хабар кьазвайдалай гзаф чизвач, жаваб гана Пайгъамбарди.

АкI ятIа, Къияматдин Йикъан лишанрикай суьгьбет ая.

ЛукI дишегьлиди вичиз хан-ханум хайила, кьецIил (чуплах) нехирбанри сада садалай кьакьан кIвалер эцигиз акъажунар ийидайла, Къияматдин Югъ мукьва жеда.

...Ахпа а итим къарагъна, хъфена. Гила Аллагьдин Расулди (Аллагьдин салатни  салам  хьуй адал) лугьузва:

Я Умар, суалар гайиди ваз вуж ятIа чидани?

Аллагьдизни, Адан Пайгъамбардиз хъсан чида.

Ам квез куь дин чириз атанвай Джабраил Малайик тир».

(Муслим)

Предыдущая глава 

Лезгинский исламский просветительский портал