Имам Нававиди гъайи яхцIур гьадис

4- гьадис

 

[ عن أبي عبد الرحمن عبد الله بن مسعود رضي الله عنه قال : حدثنا رسول الله صلى الله عليه وآله وسلم وهو الصادق المصدوق : إن أحدكم يجمع خلقه في بطن أمه أربعين يوما نطفة ثم يكون علقة مثل ذلك ثم يكون مضغة مثل ذلك ثم يرسل إليه الملك فينفخ فيه الروح ويؤمر بأربع كلمات : بكتب رزقه وأجله وعمله وشقي أو سعيد فو الله الذي لا إله غيره إن أحدكم ليعمل بعمل أهل الجنة حتى ما يكون بينه وبينها إلا ذراع فيسبق عليه الكتاب فيعمل بعمل أهل النار فيدخلها وإن أحدكم ليعمل بعمل أهل النار حتى ما يكون بينه وبينها إلا ذراع فيسبق عليه الكتاب فيعمل بعمل أهل الجنة فيدخلها ] رواه البخاري ومسلم

 

Абу Абд ар-Рахман Абдуллах бин Мас'уд (Аллагь рази хьуй), ахъайна хьи:

Пайгьамбарди (Аллагьдин салатни  салам  хьуй адал) лагьана чаз:

«Гьакъикъатда квекай гьар сад дидедин руфуна яхцIур юкъуз яратмишзава, ахпа адакай, мад гьакьван вахтунда (40 югъ), ивидин курут жезва, ахпа адакай, мад гьакьван вахтунда, якIун кIус жезва, идалай гуьгъуьниз адак руьгь кутадай малаик ракъурзава ва адаз (малаикдиз Аллагьди) кьуд кар эмирзава: адан ризкьи, уьмуьрдин яргъивал (ажал), амалар ва бахтлу (яни, иман гваз) жедани бахтсуз (имансуз) жедани кхьин. Вичелай гъейри маса илягь авачир Аллагьдал кьин хьуй, гьакъикъатда квекай сада женнетэгьлийрин амалриз кутугай амалар ийизва ва аданни женнетдин арада са кьуьнт кьван чкани амукьзавач (яни лап мукьвал), ва акI жезва хьи, кхьенвайди адан кьилел къвезва ва ада жегьеннемэгьлийрин амалриз кутугай амалар ийиз башламишзава ва жегьеннемдиз аватзава. Гьакъикъатда квекай сада жегьеннемэгьлийрин амалриз кутугай амалар ийизва ва аданни жегьеннемдин арада са кьуьнт кьван чкани амукьзавач, ва акI жезва хьи, кхьенвайди адан кьилел къвезва ва ада женнетэгьлийрин амалриз кутугай амалар ийиз башламишзава ва гьаниз физва».

 (Аль Бухари ва Муслим)

Предыдущая глава

Скачать книгу

 

Лезгинский исламский просветительский портал