Имам Нававиди гъайи яхцIур гьадис

24- гьадис

Абу Зарра Аль Гифаридин (Аллагь рази хьуй) гафаралди агакьарна: 

 

Пайгьамбарди (Аллагьдин салатни салам хьуй адал) агакьарна:

«ЧIехи Аллагьди лугьузва: "Я Зи лукIар, гьакъикъатда за жуваз зулум авун къадагъа ийизва ва куь арадани ам авун гьарам я. ГьакI тирвиляй зулум ийимир! Я Зи лукIар, квекай гьар сад ягъалмиш я, За гьидаят (дуьз рекье тун) авурдалай гъейри, гьавиляй Завай гьидаят авун тIалаба, За квез гуда. Я Зи лукIар, квекай гьар сад гишила ава, За тIуьн гайидалай гъейри, гьавиляй Завай тIуьн тIалаба, за квез гуда.

Я Зи лукIар, квекай гьар сад кьецIила ава, За парталар гайидалай гъейри, гьавиляй Завай парталар тIалаба, За квез гуда. Я Зи лукIар, гьакъикъатда куьне югъ-йиф хатаяр ийизва, амма За вири гунагьрилай гъил къачузва, гьавиляй туба-астагъфир ая, За гунагьрилай гъил къачуда. Я Зи лукIар, квевай Заз зарар гуз алакьдач ва менфятни гуз алакьдач. Я Зи лукIар, эгер квелай эвел хьайибур ва хъижедайбурни, инсанарни чинерар, куь арада авай виридалайни пара Аллагьдихъай кичIезвай рикI авай инсандиз ухшар тиртIани, ида Зи пачагьлугъда гьич са затIни дегишардачир. Я Зи лукIар, эгер квелай эвел хьайибур ва хъижедайбурни, инсанарни чинерар, куь арада авай виридалайни алчах рикI авай инсандиз ухшар тиртIани, ида Зи пачагьлугъдик гьич са нукьсанни кутадачир. Я Зи лукIар, эгер квелай эвел хьайибур ва хъижедайбурни, инсанарни чинерар, са кьакьан чкадал кIватI хьана Завай тIалабзавайтIа, За абуруз гьардаз, ни вуч тIалабиз хьайитIани, гайидан кьадарди Захъ авайди, гьуьлуьк кутуна хкудай рапуни яд тIимилардай кьванни, тIимилардачир.

Я Зи лукIар, гьакъикъатда За куь амалар гьисабзава, ахпа За квев агакьарда. Хийир жагъайда Аллагьдиз шукур авурай, шийир жагъайда вичелай гъейри масад батIул тавурай».

(Муслим) 

Предыдущая глава

Скачать книгу

Кат1 ама...

 

Лезгинский исламский просветительский портал