Пак гьадисайрай къачунвай насигьатрин кIватIал

3-лагьай насигьат

Виридалайни Виниз тир Аллагьди лугьузва:

«Эй Адаман хва! ТIимилдал рази хьухь – вун са куьнихъни муьгьтеж жедач, жувак квай пехилвал хкуд – вун архайин жеда, къадагъа тирдавай яргъа хьухь – ви иман гьикъикъиди жеда. Вуж гъибетдивай, шикетдикай яргъа хьайитIа, адаз Зи патай кIанивал ачух жеда; вуж бегьемсуз инсанривай яргъа хьайитIа, ам, гьабур себеб яз, кьилел къвезвай бедбахтвилерикай къутармиш жеда. ТIимил рахазвайдаз акьалтIай дережадин акьул ава, тIимилдал разиди Виридалайни Виниз тир Аллагьдал умудлу яз жеда.

Эй Адаман хва! Вун ви чирвилерин геле аваз физвач, амма вуна чирвилер гьикIкъачуда, ваз абур течирла?

Имам Нававиди гъайи яхцIур гьадис

9- гьадис

[ عن أبي هريرة رضي الله تعالى عنه قال : قال رسول الله صلى الله عليه وآله وسلم : إن الله تعالى طيب لا يقبل إلا طيبا وإن الله أمر المؤمنين بما أمر به المرسلين فقال تعالى { يا أيها الرسل كلوا من الطيبات واعملوا صالحا } وقال تعالى { يا أيها الذين آمنوا كلوا من طيبات ما رزقناكم } ثم ذكر الرجل يطيل السفر أشعث أغبر يمد يديه إلى السماء : يا رب يا رب ومطعمه حرام وملبسه حرام وغذي بالحرام فأنى يستجاب له ] رواه مسلم

 Абу Хурайра Абд Ар-Рахман Ибн Сахр (Аллагь рази хьуй) акъайнагьи:

 Заз ван хьана Пайгьамбарди (Аллагьдин салатни  салам  хьуй адал) лагьана:

«За квез негь авунвай шейэривай яргъаз хьухь, эмирнавай шейэр, квелай алакьдай кьван, кьиле твах! Гьакъикъатда квелай вилик хьайибур, пара суалар гуни ва пайгъамбарриз табий тахьуни гьелек авуна».

(Аль Бухари ва Муслим)

Пак гьадисайрай къачунвай насигьатрин кIватIал

2-лагьай  насигьат

Виридалайни Виниз тир Аллагьди лугьузва:

«Куьн ва амай вири затIар За яратмишуни Зун Сад тирди субутарзава ва тестикьарзава. Вири затIар халкь ийидайла, Заз куьмекчи хьанач. Мугьаммад (Аллагьдин салатни  салам  хьуй адал)  Зи лукIва илчи я. За квез кхьенвайдал вуж рази туштIа, Зи имтигьанар ни кьабулзавачтIа, Зи регьимдиз ни чухсагъул лугьузвачтIа ва За гайидал вуж рази туштIа, къуй ада маса аллагьдиз къулугъ авурай, эгер ам Заз а краррай барабар ятIа.

И дуьньядин уьмуьрдин татугайвилерал вуж сефил ятIа, ам Залай нарази тирдай я. Кьилел къвезвай балайрилай вуж нарази ятIа, ам Залай арза ийизвайди хьиз я. Вуж девлетудан патав фена, адан вилик, хазинадиз килигна вич алчахарайтIа, адан имандин пудай кьве пай квахьда.

Имам Нававиди гъайи яхцIур гьадис

8- гьадис

[ عن أبي هريرة عبد الرحمن بن صخر رضي الله تعالى عنه قال : سمعت رسول الله صلى الله عليه وآله وسلم يقول مانهيتكم عنه فاجتنبوه وما أمرتكم به فأتوا منه ما استطعتم فإنما أهلك الذين من قبلكم كثرة مسائلهم واختلافهم على أنبيائهم ] رواه البخاري ومسلم

 

Абу Хурайра Абд ар-Рахман бин Сахр, (Аллагь рази хьуй) акъайнагьи:

 Пайгьамбарди (Аллагьдин салатни  салам  хьуй адал) лагьана:

«Заз (яни Пайгъамбардиз) инсанри шагьадат, капI ва закат кьиле тухун кьабулдалди инсанрихъ галаз женг твах лагьанва. И кIвалахар кьиле тухуз хьайитIа, абуру чпин иви ва мал-девлет хуьда. Исламди къейднавай чкайрилай гъейри (яни Исламди кIевелай къадагъа авунвай чкайрилай гъейри). Ибурун гьисаб-суал (дуван) Аллагьди ийида».

(Аль Бухари ва Муслим)

Пак гьадисайрай къачунвай насигьатрин кIватIал

1-лагьай  насигьат

Виридалайни Виниз тир Аллагьди лугьузва:

«Эй Адаман хва! Вич рекьидайди чиз, амма шад тир касдал Зун тажуб я; гьахъ-гьисаб хабар кьадайди чиз, девлет кIватIзавайдал Зун тажуб я; сур вичел вил алаз акъвазнавайдахъ инанмиш яз, вич хъуьрезвайдал Зун тажуб я. Дувандин югъ алукьдайдахъ инанмиш яз, вичиз са куьникайни къайгъу авачирдални, и дуьньядин уьмуьр фад куьтягь жедайдахъ инанмиш яз, вич секиндиз акъвазнавайдални Зун тажуб я. Илим мецел алай, амма рикIе авачир; винелай вич михьиз, целди чуьхуьз, амма рикIни руьгь михьи тушир инсандални Зун тажуб я. Маса инсанрин нукьсанар жагъуриз, вичин руьгьдин нукьсанар таквазвайдални ва гьакъикъатда Виридалайни Виниз тир Аллагь вичиз тамашзавайди чиз, амма Адаз муьтIуьгъ тежезвайдални, Вич саддиз рекьидайди, суруз текдиз фидайди ва гьахъ-гьисаб вичи кьилди гудайди чиз, инсанрин арада шадвал жагъурзавай касдални Зун тажуб я.

Дугъридани, Залай гъейри маса Аллагьар авач, Мугьаммад (Аллагьдин салатни салам хьуй адал),  Зи лукIни я, илчини». 

Лезгинский исламский просветительский портал