Дишегьлийрин виридалайни хъсан 10 къилих

Мугьаммад Пайгъамбардин (Аллагьди н салатни салам хьуй адал)  гьадисрал асаслу яз, агъадихъ дишегьлийрин лап хъсан 10 къилихдикай лагьанва:

1. Диндарвал. «Гьакъикъатда вири и дуьнья – им къачуз жедай, инсанди ишлемишзавай, кеф хкудзавайди я. И дуьньядай къачуз жедай виридалайни хъсанди – им диндар, хъсан къилихрин паб я (итим патал, амма дишегьли патал – диндар, кIанивал къалурзавай ва рикI алай итим)». 

2. Дамахсузвал. «Аллагьдин илчийрин суннадик кьуд шей акатзава: дамахсузвал, хуш нияр ишлемишун (пайгъамбаррихъай гьамиша хъсан ни къведай), эвленмиш хьун ва сивак ишлемишун (абур гьамиша чпин сивин михьивилихъ гелкъведай)».

3. Даях кьун. «Гъуьл нагьакьанвилер ва къайгъуяр себеб яз кефияр авачиз кIвализ хтайла, эгер папа хушдаказ кьабулайтIа, секинарайтIа ва даях кьуртIа, ахьтин папаз Аллагьдин рекьел авур жигьаддин хьтин са пай суваб кхьида».

4. Хъсанвал. «КпIар ийизвай, сив хуьзвай ва гъуьл рази ийизвай хъсан дишегьлидиз Женнетдин вири 8 ракни ачухда, адавай гьи ракIарай кIан хьайитIани гьахьиз жеда».

5. Парталрин дамахсузвал. «Женнетда инсанар Аллагьдихъ къекъведа, амма Аллагьди и дуьньяда парталрин къайдаяр хвенвай дишегьлияр башкъа гьуьрметдиз лайихлу ийида».

6. МуьтIуьгъвал. «Руфунал залан, хазвай, аялрихъ галаз регьимлу дишегьлияр, эгер гъуьлуьз муьтIуьгъ хьайитIа ва капI ийиз хьайитIа, чарасуз Женнетдиз гьахьда».

7. Диндал мягькемвал. «Йифиз кIпунал къарагъай ва вичин гъуьл къарагъарай, ахпа кьведани санал капI авур дишегьли ва вичин гъуьл ахварикай ават тийидайла адан чиниз цин стIалар хъчирай дишегьли Аллагьдин регьимдик жеда».

8. Паклувал. «Са дишегьлидин паклувал, диндарвал 70 итимдин диндарвал хьиз я».

9. Гъуьлуьн разивал. «Эгер гъуьлуьн разивал авай паб кьейитIа, ам патал Женнет чарасуз жезва».

10. Хъсан къилих. «Квекай виридалайни заз гзаф кIанибур ва Дувандин юкъуз заз мукьвабур-ибур квекай тир хъсан къилихрин сагьибар я».

 

Лезгинский исламский просветительский портал