Сусаринни къарийрин алакъаяр чими хьун патал

1. Хъсан къари гьакъикъатда яргъал яшамиш жезва. Куь хизандин уьмуьрда садни гьахьна кIанзавач. Меслятар це – буюр. Анжах алкIурун ваъ. Квез ва куь гъуьлуьз такIан жуьреда яшамиш жез мажбурун дуьз туш. Яргъал хьайила, алакъаярни лап хъсан ва чими яз амукьзава. Садаз муькуьдан нукьсанар такун, абурухъ галкIун тавун ва жуван къайдайралди яшамиш жез мажбур тавун.
2. Эгер гьич са жуьредани масаниз куьч жедай мумкинвал авачтIа, кухняда санал хьана кIандач.Халкьдин мисалда лугьузвайвал, са кухняда кьве дишегьли жедайди туш. Къаридиз вичинди ава, сусаз – вичинди. Хизан, гъуьл ва аялар хьиз – гьардаз вичинди ава.
 
3. Бязи вахтара герек я, лазим я къаридиз кIанивал авун. Гьатта ада авур кардиз къимет тагайтIани, Аллагь патал хьайитIани ая. Бес Ада гъуьлуьн мукьвабурухъ галаз хъсан алакъайра хьуниз эвернава хьи. Эгер куь къаридиз куьне хинкIал гьазурдайла, я туштIа фу чрадайла бегенмиш яз хьайитIа, адан «буйругъ» вилив хуьмир, куьне а кар башламиша.
 
4. Сабур ая. Бес сабур авун – Женнетдин куьлег я эхир. Куьн патал вуч важиблу я? И дяведа яшар хьанвай къаридал гъалибвал къазанмишун, тахьайтIа, куь хизандин секинвал ва хушбахтлувал? Гъуьлуьн разивал? Эгер къари квелай рази туштIа, хьурай ман. Ам себеб яз са гъулгъула къарагъарна кIандач. Гъавурда акьазва, садазни кIандач вичиз къимет тагана. Терсина яз гзафбуруз чпелай тарифарна кIанда, чпин лайихлувилер кьатIана кIанда. Амма Исламдин фикирдалди тарифар патал са вуч ятIани авун, хъсан амалрикай яз гьисаба кьазвач. Эгер къариди куьн кагьул ва пис свас яз гьисабзаватIа, адал рази хьухь ва терсина тирди субутиз хамарай экъечIмир. Гьа и жуьреда секиндиз яшамиш хьухь. диз кIанивал авун. Гьатта ада авур кардиз къимет тагайтIани, Аллагь патал хьайитIани ая. Бес Ада гъуьлуьн мукьвабурухъ галаз хъсан алакъайра хьуниз эвернава хьи. Эгер куь къаридиз куьне хинкIал гьазурдайла, я туштIа фу чрадайла бегенмиш яз хьайитIа, адан «буйругъ» вилив хуьмир, куьне а кар башламиша.
Кат1 ама...
 
Лезгинский исламский просветительский портал