Пайгъамбардин (Аллагьдин салатни салам хьуй адал) мискIиндикай 14 итижлу гьакъикъат. Часть 4

8. Пайгъамбар (Аллагьдин салатни салам хьуй адал) рагьметдиз фена саки 650 йисан къене, адан сурал къубба алачир. 

1279-йисуз сифте сеферда яз, ам султан Мамлюка эцигна ва ам къацу шир янавай кIарасдинди тир. Къенин юкъуз чаз аквазвай къацу къубба, ам гьакъикъатда Пайгъамбардин (Аллагьдин салатни салам хьуй адал) кIвалин винел алай къубба я. Адан кIаник адалай гъвечIи, къене патан къубба ава. Адан къене патал Пайгъамбардин (Аллагьдин салатни салам хьуй адал), Абу Бакран (Аллагь рази хьуй адал) ва Умаран (Аллагь рази хьуй адал) тIварар кхьенва. 

9. Чаз чидай «Къацу къуббадин» ранг масад тир.

Саки 150 йис идалай вилик, къенин юкъуз чаз аквазвай къубба са шумуд сеферда туькIуьр хъувуна ва гьар жуьредин рангаралди безетмишнавай. Са вахтара ам лацуди тир, амма гзаф вахтунда ам виливал квай беневшадин рангунинди тир. Гьижаздин арабриз а ранг гзаф кIандай.

10. Пайгъамбардин (Аллагьдин салатни салам хьуй адал) сур мискIиндин къене авайди туш.

Пайгъамбар (Аллагьдин салатни салам хьуй адал), Абу Бакр (Аллагь рази хьуй адал) ва Умар (Аллагь рази хьуй адал)мискIинда кучуднавач. Абур гьа чкадилай мискIиндивай чара яз авай Айишадин кIвале кучуднава. Гьакъикъатда, Аллагьдин Расул (Аллагьдин салатни салам хьуй адал) рагьметдиз фейила, асгьабри ам мискIиндин патав гвай Айишадин  гъвечIи кIвале кучудна. Яни ам рагьметдиз фейи чкадал кучудна, масаниз тухванач. МискIин гьа кIваливай ракIар авай цлавди чара тир. Гзаф йисар алатайла (гьижрадай 88-йисуз), Абдул-Маликан хва Валид пачагь тир вахтунда, Мединадин эмир тир Абдул-Азизан хва Умара мискIиндин территория хейлин гегьеншар авунай ва Айишадин  кIвал цIийиз хьанвай территориядин къене гьатна. Гьар гьикI ятIани, Айишадин кIвал мискIиндивай чара ийидайвал, Мединадин эмирди кьве чIехи цал эцигиз туна. Гьа и жуьреда, Пайгъамбардин (Аллагьдин салатни салам хьуй адал) сур мискIиндин къене авайди я лугьун дуьз туш. Ам гьа сифтедай хьиз Айишадин кIвале ава, Айишадин кIвал Пайгъамбардин (Аллагьдин салатни салам хьуй адал) мискIиндивай вири патарихъай чара авунва. 

Кат1 ама...

Предыдущая глава

 

 

 

 

Лезгинский исламский просветительский портал