Къуръанда тIвар кьунвай емишар

Емишар битмиш хьунин гьалди, абурук квай гзаф кьадардин витаминри ва минералри гьелбетда, инсан дерин фикирра твазва. ГьикI адетдин чилин чкалдин яцIай тарар, ахпа емишар экъечIзаватIа фикир це, абурун къешенг атир, дад ва ранг гьич са зеррени чIулав накьвадиз ухшар туш. Набататри чиляй чарасуз ва инсандиз хийирлу шейер къачузва. Аллагьди чилел алай вири набататар ва рангар гьа жуьреда гуьрчегдаказ туькIуьрнава хьи, абуру чарасуз инсандин руьгьда шадвилин ва ашкъивилин гьиссер куькIуьрзава. Гзаф жуьреба-жуьревал авай гьейранардай набататрин алем хьунухь, им гьелбетда Аллагьдихъ сергьят авачир ЧIехи акьул авайдан шагьидвал я. Чаз амукьзавайди а гуьрчегвал акун ва адакай фикирун я. Чаз ихьтин къешенг уьмуьрдин лезет ганвай Адаз шукур хьуй! 

Зегьерар акъудзавай пIинияр

Къуръанда лагьанва (мана): «ПIинийрин куьрс хьанвай галгамар» («Аль-Вакъиа», 28-аят).

ПIинийри беден зегьеррикай ва чиркинрикай михьзава. Ада дуркIунрин кIвалах хъсанарзава, гьелбетда, беденда кIватI хьанвай цварадин кислотаяр ва кьелер акъудунин кIвалах йигинарзава. Гьа и жуьреда, ревматизм ва остеохондроз хьтин азаррин вилик пад хуьзва. Адалай алава яз, пIинийрик квай оксиянтарный кислотади дуркIунра къванер ва къум кIватI хьуникай хуьзва, эгер ахьтин шейер къатканваз хьайитIа, абур цIуруруниз куьмекзава ва абур тIебии жуьреда бедендай акъат хъийизва. ПIинийри неинки дуркIунра авай къванер ва гьакI туькьуьл авай куркурда жедай къванерни цIуруриз куьмекзава. Генани иви михьзава, адак квай чиркин шейерикай азад хьуналди инсандин хамуниз экъечIдай тварарикай михьи жезва.

Банан: Женнетдин емиш

Къуръанда тIвар кьунвай Женнетда жеда лагьанвай емишрикай пIинийрилай гъейри, банандин тIварни кьунва. Женнетдин гуьзел виликай ахъайнавай аятра Аллагьди абурукай икI лагьанва (мана): «Жергейра аваз бананрин хилер, абурал алай емишар себеб яз куьрс хьанва» («Аль- Вакъиа» сура, 29-аят). Банан гзаф хийирлу продукт я. Адак 75% яд, 1,3% белок ва 0,6% гъери ква. Амай пай углеводар ва са кьадар калий я. Банан гзаф азаррин дарман я, иллаки ам температура акьалтайла, тIуьн цIурурдай гьал къайдадикай хкатайла, мускулрин спазмар хьайила тIуьниз ишлемишда. Вичик гзаф кьадарда калий хьуниз килигна, бананди тIуьн цIурурайдалай кьулухъ амукьай хкатаяр бедендай акъудуниз куьмек гузва. Бананди ивидин давление агъузариз куьмек гузва, адалай гъейри абур, аллергиядикай сагъарун патал ишлемишайтIани жеда. (Гьарун Яхьядин «Диндин гьакъикъатрин манадикай» ктабдай).

Лезгинский исламский просветительский портал