Пайгъамбардин (Аллагьдин салатни салам хьуй адал) мискIиндикай 14 итижлу гьакъикъат. Часть 5

11. МискIинда авай сифте минбар хурмад тарцин кIанчI тир. МискIин эцигна акьалтIарайдалай кьулухъ, Пайгъамбарди (Аллагьдин салатни салам хьуй адал), ана вязер кIелиз башламишна. Сифте вахтара Пайгъамбарди (Аллагьдин салатни салам хьуй адал), хкаж хьана вязер кIелдайла, минбардин везифаяр хурмад тарцин кIанчIуни кьилиз акъудзавай. Идан гьакъиндай имам аль-Бухариди гъанвай гьадисда лугьузва: Абдуллагьан хва Жабира лагьана: «Сифте вахтара мискIин хурмад тарцин дестекри хуьзвай ва Пайгъамбарди (Аллагьдин салатни салам хьуй адал), адан са кIанчIунал хкаж хьана вязер кIелдай. Адалай кьулухъ адаз чIехи минбар гьазурна. Са сеферда ам адал хкаж хьайила, чаз руфунал залан деведин хьтин ван хьана. А ван секин жезвачир та, Пайгъамбарди (Аллагьдин салатни салам хьуй адал), хурмад тарцин кIанчIунив агатна адал гъил эцигдалди, ахпа ам секин хьана».

12. Пайгъамбардин (Аллагьдин салатни салам хьуй адал), сурун патав ичIи сур гва Пайгъамбардин (Аллагьдин салатни салам хьуй адал),, Абу Бакран ва Умаран сурарин патав, гуя ичIи сур гвайди лап фадлай кьиса авай. И фикир 1970-йисуз тестикьарна: сур кIевдай шаршав дегишарзавай инсанри ам авайди тестикьарна. А сур Иса Пайгъамбардиз (Аллагьдин салатни салам хьуй адал), гьазурнавайдан фикир ава. Гьа и фикирдин барадай рахунар фадлай ава.

 

13. Исламдин вири тарихда мискIин, кIуьд сеферда гегьеншар авуна. Сифте сеферда мискIин Хайбардин ягъунилай кьулухъ, Пайгъамбардин (Аллагьдин салатни салам хьуй адал), девирда гегьеншар авунай. Мединада авай мусурманрин кьадар гзаф хьайила ва капIзавайбурун кьадар ана гьакь хъийин тийидайла Пайгъамбарди (Аллагьдин салатни салам хьуй адал), ам гегьеншарун кьетIна. Ам гьяркьуьвилихъ 20 метр ва яргъивилихъ 15 метр чIехи хьана. Аббасидрин вахтунда цIай кьун себеб яз мискIин чкIанвай. Са йисалай ам туькIуьр хъийиз башламишна. Гуьгъуьнлай мискIинда кьвед лагьай сеферда цIай кьунай, ада мискIиндиз гзаф чIехи зиянар ганвай. МискIин Ашраф Каит-бей султанди туькIуьр хъувуна. Алай аямда ибадатар авуниз тайинарна- вай чкани кваз, мискIиндин майдандин кьадар 400,327 квадратдин метр я. Ана санал 1 млн инанмиш инсан гьакьзава. Гьа и лап мукьвара Пайгъамбардин (Аллагьдин салатни салам хьуй адал), мискIин цIуд лагьай сеферда гегьеншариз башламишнава.

 

14. Пайгъамбардин (Аллагьдин салатни салам хьуй адал), мискIиндин кефер патахъай кьур авай. А кьурун тIвар Суффа тир. Адан кIаник яшамиш жезвай мусурманриз «Асгьабус- Суффа» лугьузвай. Адан кIаник 70-далай та 100-ел агакьна асгьабар яшамиш хьайиди гьисаба кьазва. Агьл ас-суффа пак инсанрин ва аскетрин чешне тир. Абуру гьамиша мискIинда кпIардай ва лап текбир вахтара мискIиндай экъечIдай. Аль- Бакъара сурадин 273-аятда гьа и «кьурун инсанрикай» лагьанвайди, Къуръандиз баянар ганвай алимри гьисаба кьазва. 

Предыдущая глава

 

 

 

 

 

Лезгинский исламский просветительский портал