Жегьеннемдикай жув хуьх!

 Кьве «Сагьигьдани» Абу Саид аль- Худриди агакьарай Пайгъамбардин (Аллагьдин салатни  салам  хьуй адал) гьадис гъанва: «Эй, дишегьлияр, садакьаяр це, вучиз лагьайтIа Жегьеннемда авайбурукай чIехи пай куьн тир» Адавай жузуна: «Вучиз, я Аллагьдин Расул?» Ада лагьана: «Куьне мукьвал- мукьвал гъуьл лянетламишзава ва квез гъуьлерин къадир авач». Генани кьве «Сагьигьда» 

Усама ибн Зайда агакьарай Пайгъамбардин (Аллагьдин салатни  салам  хьуй адал) гьадис ава: «Зун Жегьеннемдин къапудикай садан патав акъвазна ва аниз чIехи пай гьахьайбур дишегьлияр тир». Муслиман «Сагьигьда»

Имран ибн Гьуьсейна агакьарай гьикаяда Пайгъамбарди (Аллагьдин салатни  салам  хьуй адал) лагьаналда: «Гьакъикъатда, Женнетдин агьалийрин анжах тIимил пай дишегьлияр жеда». Винидихъ лагьай гафари, Женнетда гьар итимдиз са папалай гзаф жеда лугьудай ихтилатдиз аксивалзавач, вучиз лагьайтIа жегьеннемдиз фидай чIехи пай дишегьлияр – Адаман несилдикай я, амма женнетэгьлийрин чIехи пай папар, вилер чIулав Женнетдин гьуьруьяр я.

Аль-КъуртIубиди кхьизва: «Дишегьлияр Женнетдин гъвечIи пай жеда, вучиз лагьайтIа абур фад рекьяй акъатзава (чпин гъуьлерни рекьяй акъудзава, абуруз чIехивал ийиз алахъзава) ва пуч жедай дуьньядин гуьрчегвилериз майилвалзава. Адан себеб ам я хьи, гележегдин уьмуьрдиз дуьз вилералди килигдай абуруз фагьумлувал бес жезвач. Гележегдин уьмуьр патал абуруз зегьмет чIугвадай къуват бес жезвач, абуру и дуьньядин уьмуьрдихъ ва адан гуьрчегвилерихъ майилвалзава. Адалай гъейри, абур - итимар эхиримжи уьмуьрдилай алудзавай виридалайни гужлу къуват я: итимриз абур кIанзава» (КъуртIуби, «Тазкира» 369-чин). Адахъ галаз санал яз дишегьлийрин арада, Аллагьдин рекьелай элячI тийизвай, шариатдин къанунриз муьтIуьгъ, Аллагьдиз ва Адан Расулдиз (Аллагьдин салатни  салам  хьуй адал) муьтIуьгъ гзаф пак тирбурни ава. Абурун гзаф пай Женнетдиз гьахьда ва абурун арада чпин имандиз ва хъсан амалриз килигна, итимрилай вилик акатдайбурни тIимил жедач. 

 

 

 

 

Лезгинский исламский просветительский портал