Халикьдиз ибадат авун чи буржи я

 Дуьньядин уьмуьр ахтармишун, интигьан хьиз я. Гьавиляй чун жезмай кьван гзаф хъсан амалар, ибадат ийиз ва писбурувай яргъа жез алахъна кIанда. Са сеферда Пайгъамбарди (Аллагьдин салатни  салам  хьуй адал) Муаз бин Жабалаз (Аллагь рази хьуй адал) икI лагьана: «За ваз хийирдин ракIарар гьибур ятIа лугьудани?» «Эхь, гьелбетда!», - тIалабна ада. «Сив хуьн къалхан (щит) я, садакьа делил я, йифен кьулариз къарагъна ийизвай ибадатди инсан вири гунагьрикай михьзава» (Агьмад). 

Умар асгьабди (Аллагь рази хьуй адал) лагьана: «Жува-жуваз гьисаб-суал я, ви гьисаб-суал Аллагьди ийидалди, ви амалар адалатлувилин терездал алцума, абур Аллагьди алцумдалди, зурба Дувандин юкъуз ви амаларин патахъай жаваб гуз гьазур хьухь. Аятда лугьузва (мана): «А Юкъуз вири дуьздал акъатда, гьич са шейни чуьнуьхиз жедач» («Аль-Гьакъкъагь» сурадин 18-аят). 

 

 

Лезгинский исламский просветительский портал