Хизан патал 20 меслят. Часть 1

Къуръандихъ ва Суннадихъ галаз алакъалу яз, гъуьл-пабвилин алакъайриз ихтияр гузвай анжах тек са къайда ава - некягь. Аллагьди лагьана (мана): «Адан лишанрикай - ам я хьи, Ада куь арадай квез папар халкьнава, абурукай квез секинвал жедайвал ва куь арада муьгьуьббат, мергьямат тайинарна. Гьакъикъатда, и карда – фикирзавай инсанриз лишанар ава» («Аль-Анкабут» сура, 21-аят).

И аятда магьабба – кIанивал мергьяматдин вилик ква, вучиз лагьайтIа некягьдин араяр давам хъхьун патал, кIанивиле гзаф игьтияжвал ава.

 Некягь кIанивилелай ва рикIик зурзун кутадай ашукьал-машукьвилин (романтика) кьетIен алакъайрилай башламишзава. Вахтар алатунивди ашукьал-машукьвилин араяр ва кIанивал мергьяматдиз элкъвезва. Некягьда авай кIанивал квахь тавун ва ам генани артух хьун патал, агъадихъ къалурнавай меслятрал амал авуна кIанда:

1. Сабурлувал – им араяр мягькемарзавай, некягьдин сифте пипIен къван я.

2. Пишкешар гун. Мугьаммад Пайгъамбарди (Аллагьдин салатни  салам  хьуй адал) мусурманриз сада-садаз пишкешар це лагьанва, вучиз лагьайтIа абуру инсанрин арада кIанивал артухарзава. 

3. Сада-садаз вахт жагъура, сад-садахъ галаз рахух, куь гьиссерикай ва рикIин гьаларикай сада-садаз малумара.

4. Суннадал асаслу яз, сада-садаз хушвилелди «ас-саляму аляйкум» гафаралди салам це. Идал алава яз, гъуьлни паб патал генани хъсан салам къужахламишун я.

5. Сада-садалай тарифар авун. Месела, «Зун акьван шад я хьи, вун хьтин паб заз кьисмет хьуналди», «вун зи гъуьл тирвиляй, зун гзаф шад я».

6. Жуван гъуьл (паб) масадахъ галаз гекъиг тавун (пис тегьерда). Гекъигуни, жуван гъуьлуьв (папав) вич амайбурулай усал я лагьана фикириз тун мумкин я.

7. Сада-сад хуьх, чан-рикI ая, зериф хьухь.

8. КIвалин кIвалахар санал авун. КIвалин кIвалахар – дишегьлидин хиве ава, анжах гъуьлуь вичин папаз куьмек гуз хьайитIа, ада вичин гъуьлуьз чIехи къимет гуда.

9. Сада-садаз садакьа гун. Гьатта хъсан гаф ва хъуьруьн, садакьа я.

10. Хушвилелди хизандин юкьва аялар ва жуван уьмуьрдин юлдаш галаз йифер акъудун. 

Кат1 ама

 

Лезгинский исламский просветительский портал