Хизан кутаз кIанзавайбур патал 10 меслят Часть 3

7. Аллагьди квез вуж герек ятIа, гьам гузва. Куьне, мумкин я, куь паб ва я гъуьл квез кутугнавач лагьана фикирун. Аллагьди некягь сад авуналди руьгьдин секинвал жезва ва жуван хсуси игьтияжар кьилиз акъатзава. Некягь – им чун виридалайни хъсанарна кIанзавай, чи къилихар гуьрчегарзавай ва гьарамдивай яргъа ийизвай са жуьредин ахтармишун я. ГьакI хьайила, Аллагьди чаз ахьтин инсан гузва ва адан куьмекдалди чун хъсан жезва.
8. Некягь кутIунун – им жуьрэт авун лагьай чIал я. Некягь кутIунайдалай кьулухъ кьилел вуч къведатIа, квевай виликамаз лугьуз жедач. Уьмуьр дегиш жезва ва куьн хьиз гьа хизандин винел патан гьаларни дегиш жеда. Куь некягь мягькемди жедани, тахьайтIа чIур жедани, квевай виликамаз лугьуз жедач. Чавай анжах Аллагьдик умуд кутуна дуьаяр ийиз жеда.
9. Некягь – им гьамишалугъ я. Некягь патал тамам муьтIуьгълувал ва кIанивал герек я. Чара хьун фикиррилай башламишзава. Ахьтин фикирриз куь кьиле пайда жедай ихтияр гумир. Гъуьлуьни папа сада-садаз чара хьунин къурхуяр гана кIандач. Некягь хуьнин карда кIевивал ая, гьатта чара жедай фикиррал атайтIани, некягь чIурмир. Аллагьдиз чара хьун такIан я, анжах акьалтIай дуьшуьшра ихтияр ава.
10. Некягь – им гьамишан гьакъи я. Хушбахтлу ва агалкьунар авай хизандин уьмуьр хьун патал, инсанди гьамиша зегьмет чIугуна кIанзава: кIанивал, гелкъуьн, вахт гун важиблу Источник : Ассалам 
Лезгинский исламский просветительский портал