Мугьаммад Пайгъамбардин (Аллагьдин салатни салам хьуй адал) муъжизатар(2)

6. Жанавурди Мугьаммад (Аллагьдин салатни  салам  хьуй адал) Аллагьдин  Расул тирди шагьидвал авун. Агьмада гьадис агакьарна: «Са жанавурди хиперал вегьена ва абурукай сад кьуна, чубанди адахъ калтугна адан сивяй хеб ахкъудна. Жанавур кьулухъ галай кIвачерал ацукь хьана лагьана: «Ваз Аллагьдикай кичIезвачни зи ризкьи къакъудиз»? Яъ, им вуч ажаиб кар я, жанавур захъ галаз инсандин чIалал рахазва, - лагьана чубанди. Жанавурди лагьана: «Идалайни ажаиб шей гьим ятIа за ваз лугьудани? Мугьаммад я, алатай вахтара хьайи кIвалахрикай хабар гузвай». 

Аллагьдин Расул (Аллагьдин салатни салам хьуй адал) вири инсанар патал чешне (3)

Пайгъамбардин (Аллагьдин салатни  салам  хьуй адал) къилих

Ам гьеле аял чIавалай хъсан къилихдин инсан тир. Ада гьеле пайгъамбарвал къведалди вичин уьмуьрда гьич са лайихсуз кар хьайитIани авурди гьич са касдивайни тестикьариз жедач. Адан хъсан ахлакьдиз, ихтибарлувилиз ва гьахълувилиз килигна инсанрин арада адаз Мугьаммад аль-Амин лугьузвай.

Мугьаммад Пайгъамбардин (Аллагьдин салатни салам хьуй адал) муъжизатар

«Лагь (я Мугьаммад) эгер инсанарни джинар санал кIватI хьайитIани, ахьтин Къуръан акI гуьзелдиз туькIуьриз абурулай алакьдач, гьатта сада садаз куьмек гуз хьайитIани» («Аль-Исраъ» сура, 88-аят).

Чи играми Мугьаммад Пайгъамбардихъ (Аллагьдин салатни  салам  хьуй адал) гьисаб тежер кьван, жуьреба-жуьре муъжизатар авай. Абурукай чун са бязибуруз килигда, иншаАллагь. Муъжизатрикай рахадалди чаз ам вуч шей ятIа чир хьана кIанда.

Аллагьдин Расул (Аллагьдин салатни салам хьуй адал) вири инсанар патал чешне (2)

Пайгъамбардин (Аллагьдин салатни  салам  хьуй адал) уьмуьрдин рехъ

Мугьаммад Пайгъамбар (Аллагьдин салатни  салам  хьуй адал) Ибрагьим пайгъамбардин (Адал салам хьуй) несилдай я. Ам Рабиу-ль-Авваль вацран12-юкъуз «Филдин» йисуз Меккеда дидедиз хьана. Пайгъамбардин (Аллагьдин салатни  салам  хьуй адал) буба Абдуллагь, дидени–Аминат я. Ам Гьашим къебиладин Къурейш тайифадай я. Мугьаммад Пайгъамбарди (Аллагьдин салатни  салам  хьуй адал) лагьана: «Вири халкьарикай Аллагьди  араб халкь, арабрикай– къурейшар, къурейшрикайни зун хкяна».

Пайгъамбардин къилихар

Аллагь-Таалади Мугьаммад Пайгъамбардиз (Аллагьдин салатни  салам  хьуй адал)  тамам хъсан къилих ва гуьрчегвал гана. Вичин (къеняй ва винелай) гуьрчегвиляй ам виридалай артух я. Пайгъамбардин хъсан къилихдикай гзаф суьгьбетар ава. Инсаниятдин тарихда гзаф ксар чпин викIегьвиляй, акьуллувиляй, жумартлувиляй машгъур хьанва. Пайгъамбар  (Аллагьдин салатни  салам  хьуй адал) лагьайтIа, вичин хъсан къилих себеб яз адалай вилик яшамиш хьайибурун ва адалай гуьгъуьниз яшамиш хъижезмайбурун арада виридалайни тIвар-ван авайди хьана.

Лезгинский исламский просветительский портал