Аль-Исра валь-Ми’раж

Ражаб вацран 27-йиф аламатдин вакъиа хьайи вахт я, им чи Пайгъамбар (Аллагьдин салатни  салам  хьуй адал) Халикьди цаварин сиягьатдиз акъудай йиф я - Аль-Исра валь-Ми’раж. Гьаниз килигна Ражаб вацран 27-юкъуз сив хуьн хъсан кар яз гьисабзава. Аль-Исра валь-Ми’раж – им Аллагьди  анжах чи Пайгъамбардиз (Аллагьдин салатни  салам  хьуй адал) авунвай еке гьуьрмет я. 

Ми’раджда авайла, Пайгъамбардиз (Аллагьдин салатни  салам  хьуй адал), инсанрин акьулдивай кьатIуз тежедай, гзаф аламатар акуна. Инсанри ийизвай пис ва хъсан крарай гузвай сувабарни, жазаярни Аллагьди  а чIавуз чи Пайгъамбардиз (Аллагьдин салатни  салам  хьуй адал) къалурна. ГьакIни чи Пайгъамбардиз (Аллагьдин салатни  салам  хьуй адал) цаварал алай аль-Кябе, Женнет, Жегьеннем, Арш, Курс ва маса чкаярни акуна. Гьар са цаварив агакьайла, чи Пайгъамбар (Аллагьдин салатни  салам  хьуй адал) маса пайгъамбарри саламар гуналди къаршиламишзавай, ахпа адаз, арада перде авачиз, Аллагь  акуна. Гьа и йифиз Аллагьди  мусурмандин хиве гьар йикъан ферз вад капI туна. Ахпа Мугьаммад (Аллагьдин салатни  салам  хьуй адал) Буракьдал ахцукьна са легьзедин къене элкъвена чилерал хтана. 

 

 

 

 

 

 

 

 

 

 

 

Лезгинский исламский просветительский портал