Играми Пайгъамбардин (Аллагьдин салатни салам хьуй адал), суннадал чан хкун
- Подробности
- Автор: Admin
ТIуьн недалди ва недай вахтунда кьилиз акъуддай суннаяр:
1. «Бисмиллягьи-ррагьмани-ррагьим» лугьун.
2. ЭрчIи (дуьз) гъилелди тIуьн.
3. Анжах жуван вилик квайди тIуьн (вирида санал незвай къапунай). Вири и пуд сунна Муслима агакьарнавай гьадисда кIватIнава: «Я гада, лагь: Бисмиллягь, ви вилик вуч кватIа гьам эрчIи гъилелди неъ».
4. Аватай кIус (незвай затIунин) вахчуна, михьи хъувуна, тIуьн. Муслима гъизвай гьадисда къейднавайвал, Пайгъамбарди (Аллагьдин салатни салам хьуй адал), лагьана: «Эгер квекай садан гъиляй незвайдан кIус аватайтIа, къуй ада ам михьи хъувуна, тIуьрай».
5. Пуд тупIалди тIуьн сунна я. Муслима агакьарнавай гьадисда лагьанва: «Пайгъамбарди (Аллагьдин салатни салам хьуй адал), пуд тупIунивди недай. Ада, адет яз, пуд тупIалди недай, мумкинвал аваз хьайитIа, икI тIуьн хъсан я».
6. Инсанди недайла алакьзамай кьван метIерал ацукьна, я тахьайтIа эрчIи кIвач тикдиз акъвазарна, чапла кIвачел ацукьна тIуьн хъсан я. Идакай Аль-Гьафиза вичин Аль-Фатгь ктабда лагьанва.
Добавить комментарий
