Играми Пайгъамбардин (Аллагьдин салатни салам хьуй адал), суннадал чан хкун
- Подробности
- Автор: Admin
ТIуьн тIуьрдалай кьулухъ ийидай суннаяр
1. ТупIариз мез хгун, къапунани тIуьн тун тавун патал ада фан кьас экъуьрайтIа хъсан жеда. Пайгъамбарди (Аллагьдин салатни салам хьуй адал) лагьана: «Хуьрекдин гьи паюна куьн патал хийир (берекат) аватIа, квез чизвач».
2. ТIуьн тIуьрдалай кьулухъ Аллагьдиз шукур гъун, дуьа кIелун.
3. Пайгъамбарди (Аллагьдин салатни салам хьуй адал) лагьана: «Гьакъикъатдани, са затI тIуьрдалай кьулухъ, Аллагьдиз шукур гъайи касдилай Ам рази жеда» (Муслим).
Пайгъамбарди (Аллагьдин салатни салам хьуй адал) тIуьн тIуьрдалай кьулухъ, дуьа кIелдай: «Аллагьдиз шукур хьурай зи къуватни такьат галачиз заз и тIуьн гайи».
اَلْحَمْدُ لِلهِ الَّذِي أَطْعَمَنِي هَذَا وَ رَزَقَنِيهِ مِنْ غَيْرِ حَوْلٍ مِنِّي وَ لاَ قُوَّةٍ
«Альхамду лил-ляяхи ллязии ат‘амании хааза, ва разаканиихи мин гайри хавлин миннии валяя кувва». И дуьа кIелунин хийир: и дуьа кIелайдан виликан гунагьар багъиш хъийида. (Абу Дауд, Тирмизи, Ибн Мажагь).
Эгер мусурманди, адет хьанвайвал, йикъа пуд сеферда тIуьн тIуьртIа ва гьа са вахтунда тIуьнин суннаяр хвейитIа, абурун кьадар цIувадав агакьда. Эгер маса вахтарани са затI недайла а суннайрал амал авуртIа, абурун кьадар генани гзаф жеда.
Добавить комментарий
