Пайгъамбардин (Аллагьдин салатни салам хьуй адал) сунна – рехъ
- Подробности
- Автор: Admin
Гьажетханадиз фидайла авуна кIани суннаяр
1. Гьажетханадиз кьилел алукIна гьахьна кIанда.
2. КIвачерал чекмеяр алаз гьахьна кIанда.
بِسْمِ اللهِ . اللُّهُمَّ إِنِّي أَعُوذُ بِكَ مِنَ الْخُبْثِ وَ خَبَائِثِ
4. Гьажетханадаз чапла кIвачелай гьахьун.
5. Кьезилвал ацукьна авун. КIвачел акъвазна авун лазим туш.
6. Гьажет кьилиз акъуддайла, Кьибледихъ я чин, я далу элкъуьрна ацукьна кIандач (нагагь дуьзен чуьлда аватIа).
7. Гьажетханада рахана кIандач.
8. Цварадин стIалар парталрал ва бедендал ават тавун патал мукъаят хьана кIанда. Имам аль-Гъазалиди лугьузва: «Аль- истинжа гьа кьезилвал авур чкадал ийимир». Им акI лагьай гаф я хьи, вун дуьзен чуьлда аватIа, гьажет кьилиз акъудай чкадилай са тIимил анихъ фена бедендин михьивал хъувуна кIанда, тахьайтIа жуван бедендин пай чуьхуьдайла цин стIалар нежесда акьуна парталра ва беденда ахкьун мумкин я.
9. Гьажет кьилиз акъудайдалай кьулухъ чиркер целди чуьхуьн ва «ал-истибра» -цварадикай михьивал авун лазим я. Имам аль-Гъазалиди лагьана: ««Истибрадин» гьакъиндай лап еке шаклу- вилера гьахьун хъсан туш, а шаклу- вал шейтIандин патай я, а кар пара четин жеда. Инсанди гьиссзавай кьеж лагьайтIа, ам къуй вичи чуьхвей цин стIалар хьиз гьисабрай. Эгер шаклу фикирри адав секинвал вугузвачтIа, къуй мад сеферда чуьхуьн хъувурай, амма шейтIандив жуван винел пад къачуз туна кIандач».
10. Михьивал пуд къванцелди (алай вахтунда гьажетханадин чарчелди) ва михьи целдини ийидай ихтияр ава. Целди михьивал ийизвайбурукай аят ракъурнава.
Мана: «Ана – михьивал авунал рикI алай инсанар ава. Ва Аллагьдиз михьивал ийизвайбур гзаф кIанда»
فِيهِ رِجَالٌ يُحِبُّونَ أَنْ يَتَطَهَّرُوا ۚ وَاللَّهُ يُحِبُّ الْمُطَّهِّرِينَ
(«Ат- Тауба» сура, 108-аят).
11. Гьажетханадай эрчIи кIвачелай эхкъечIун.
12. Гьажетханадай эхкъечIайла дуьа кIелун
غُفْـرانَك
«Гъуфранака! АльхIамду лиллягьи-лля-зи азгьаба гIанни-ль-аза ва гIафани»
Таржума:
«Гъил къачу, я Аллагь. Шукур хьуй Аллагьдиз заз зарар гузвай шейэрикай михьна зун сагъар авур».
13. Гьажет кьилиз акъудайдалай кьулухъ дастамаз къачун.
Имам аль-Гъазалиди лагьана: «Гьажетханадай хтайла Пайгъамбарди (Аллагьдин салатни салам хьуй адал) дастамаз къачун тавур са дуьшуьшни хьанач» (Килиг Ибн Маджа, №354).
