Суваб гъиляй ахъаймир, суннат-ратибат кпIар ая! 2
- Подробности
- Автор: Admin
Сад лагьайди, экуьнин кпIунин ратибат
Экуьнин кпIунин вилик кьве ракат ратибат суннат капI ийизва. И кпIуникай чи Пайгъамбарди (Аллагьдин салатни салам хьуй адал) лагьана: «Экуьнин кпIунин вилик квай кьве ракат суннат-капI ая, гьатта куьн кьушундихъ галаз джигьаддиз экъечIиз геж жез хьайитIани».
Маса гьадисда лагьанва: «Экуьнин кпIунин суннат тамир гьатта балкIандаллаз вун рекьиз кIанзавай душмандихъай катиз хьайитIани».
Имам Алиди (Аллах рази хбуй) Пайгъамбардилай (Аллагьдин салатни салам хьуй адал) ихьтин гьадис агакьарна: «Экуьнин кпIунин вилик кьве ракат-суннат авуна, сад лагьай ракатда «аль-Фатигьадилай» кьулухъ «аль-Кафирун» сура ва кьвед лагьай ракатда «аль-Фатигьадилай» кьулухъ пуд сеферда «аль-Ихлас» (Къулгьу) кIелай касдиз чил ацIай къизилар садакьадиз гайи кьван суваб жеда».
Аллагьдин Расулди (Аллагьдин салатни салам хьуй адал) лагьана: «Экуьнин кпIунин вилик авур кьве ракат суннат капI и дуьньядилай ва ана авай вири шейэрилай хъсан я». И ратибат авурдалай кьулухъ эрчIи патал къаткана сура къаткидай вахт рикIел гъун ва и дуьа кIелун сунна я: «Аллагьумма Рабба Джибриля ва Микаиля ва Исрафиля ва Азраиля ва Мугьаммадин аджирни мина- н-нар».
Я Аллагь, Джабраилан, Микаилан, Исрафилан, Азраилан ва Мугьаммадан (Аллагьдин салатни салам хьуй адал) Рабби, зун Жегьеннемдин цIукай къутармиша».
Мад чал ихьтин дуьа агакьнава: «Я хIайу я къайуму ля илягьа илля анта». И дуьа суннат-ратибатдин ва экуьнин ферз кпIунин арада яхцIур сеферда кIелай кас и дуьньядай анжах иман рикIе аваз фида.
Катl ама...
